«Etnony kóre bilý de óner» degen uranmen ómir súretin kóp qyrly daryn ıeleri buǵan deıin de ulan-ǵaıyr Qazaqstandy nasıhattaýǵa arnalǵan «Bult baǵýshylar» albomyn shyǵarǵan bolatyn. Sonymen atalmysh top folklor eshqashan qartaımaıdy dep esepteıdi. Odan ejelgi zamandardyń rýhyn ǵana espeıdi ári óte zamanaýı estilmek.
Al «Aspan kóshpendileri» jańa albomynda neofolk stılindegi bes túrkilik kompozısııa bar. Bıyl «Akvafon» tobynyń ánderi Kaır Ystanbul, Dalıan tórinen estildi.
Jýyrda ǵana Latvııadaǵy beınebaıan túsiriliminen oralǵan top jańa albomnyń Bishkek, Shymkent qalalarynda ótken «Alakól qanattary», «Ońtústik samaly» festıvalderinde tusaýyn kesip, Almatydaǵy Quadrate teatry men Reseı konsýldyǵynda tanystyryp úlgerdi.
О́nerli toptyń paıymdaýynsha, «Aspan kóshpendileri» – Qazaqstanǵa arnalǵan mýzykalyq baǵyshtaýlardyń ishinde erekshesi. Bul jerde folklorlyq stılmen qatar, pop, rok jáne djaz qatar áýeleıdi. Jańa albomdy jasaýǵa toptyń negizgi músheleri – Pavel Aksenov, Oleg Belov, Evgenııa Gýbanova, Olga Nagaevamen birge jıyrma shaqty adam jumys istegen. Olardyń qatarynda Sara Naıman, Venera Orazbekova, Marııa Kasımanova, mýzykanttar Talǵat Hasenov (Máskeý), Evgenıı Pojıdaev, «Motor-Roller» tobynyń kóshbasshysy Ilıas Aýtov pen Edýard Dvýhımennyı («Severnyı veter» toby) bar.
Pavel Aksenov: «О́mirimniń basym bóligi Qazaq jerinde ótti. Bala kúnimizden beri qazaq halqynyń ánderin estip, qulaǵymyzǵa sińdirip óstik. Bul halyqtyń rýhy men tarıhyn kez kelgen oqýlyqtan da artyq aıta alady.
Oleg Belov: «Osy joba arqyly biz keń-baıtaq Qazaqstandy qushaǵymyzǵa alýǵa umtyldyq. Úlken Almaty men kishigirim Saımasaı týraly ánder jazyp, biz ony Alakól, Balqash, Qapshaǵaı, Sharyn, Tıan-Shan, Saryarqa bolyp shyrqadyq.
Olga Nagaeva: «Bul ólkede tek tabıǵı aımaqtar ǵana toǵyspaıdy. Uly Jibek jolynyń júreginde órkenıettiń kópǵasyrlyq dıdarlasýy jatyr. Men Taraz jaqta ósken adammyn jáne ony búkil janymmen sezemin.
Evgenııa Gýbanova: «Bizdiń albom Uly Jibek jolynyń jańǵyrýyn jyrlaıdy. Dál osy ólkede erekshe mádenıet saltanat qurǵan. Sondaı-aq albomǵa «Qarly taýlardyń etegindegi qala» eksperımenttik áni kirdi.
Aınash ESALI,
«Egemen Qazaqstan»
ALMATY
