Túlekterdiń táýelsizdikke tartýy

Astana qalasyndaǵy J.Jabaev atyndaǵy №4 mektep-gımna­zııasynda el Táýelsizdiginiń 20 jyldyǵyna arnalǵan «Táýelsizdiktiń aq tańy» atty shara ótti. Shara barysynda mektep túlekterimen kezdesý ótip,  oǵan 105 jyldyq tarıhy bilim oshaǵynyń burynǵy shákirtteri de qatysty. Olar «Meniń Otanym – táýelsiz Qazaqstan» degen taqyryppen uıym­dastyrylǵan kórmeden oqýshylardyń qolynan shyqqan týyndylardy tamashalaýǵa múmkindik aldy.  Al belgili aqyn Balǵynbek Imashev pen mektep oqýshysy Syrym Áýezhanovtyń, sondaı-aq mektep túlegi, jas aqyn Meıirjan Álibekov pen mektep muǵalimi Gaýhar О́mirovanyń aıtysy da áserli shyǵyp, olar qonaqtar men qatysýshylardyń ystyq yqylasyna bólendi. Sharanyń sońynda «Táýelsizdiktiń aq tańy» atty konserttik baǵdarlama kórermen nazaryna usynyldy. Baǵdarlama aıasynda mektep oqýshylarynyń oryndaýynda «Baq dalam», «Týǵan jer», «Atameken», «Batyrlar jyry», «Gúljazıra Qazaqstan», «Assalaýmaǵaleıkým» ánderi shyrqalyp, «Erke sylqym» kúıi oryndaldy. Jastardyń oryndaýyndaǵy «Otty» jáne «Qarajorǵa» bıleri de kórermenniń kóńilinen shyqty. «Egemen-aqparat».