Jolaýshylar qaýipsizdigi jiti baqylaýda

Astana Táýelsizdik kúni sal­tanatyna keletin meımandardy qarsy alýǵa qazirdiń ózinde da­ıyn. Elordanyń áýejaıy arqyly keletin jolaýshylar aǵyny quqyq qorǵaý organdarynyń tyńǵy­lyq­ty nazarynda bolmaq. Keshe IIM Kóliktegi ishki ister departamentiniń bastyǵy general-maıor Qanat Toqseıitovtiń, KIID basqarý shtabynyń bastyǵy polkovnık Jaıdar Qarasaevtyń jáne Astana halyqaralyq áýe­jaıynyń qaýipsizdik jónindegi vıse-prezıdenti Marat Shyńǵy­sov­tyń qatysýymen ótken kezdesýde baqylaý isin jaqsartý máse­leleri keńinen sóz boldy. Elordanyń áýe qaqpasynyń tehnıkalyq jaraqtandyrylýy talqylaýdyń basty taqyrypta­rynyń birine aınaldy. Aldaǵy jy­ly beınebaqylaý júıesi to­lyq­taı jańartylyp, áýejaı ǵıma­ratynda qosymsha beınekameralar ornatylatyn bolady. Sonymen birge qosymsha polısııa beketterin qoıý arqyly áýejaı ǵımaraty ishindegi nysandardy baqylaýdyń kúsheıtiletini de atap ótildi. Taǵy biri jańalyq, jo­laýshylar qoljúgin qaraý júıesi boıynsha engizilmek. Atqarylǵan jumystar az emes. Áýejaıda júrgizilip jatqan qaýipsizdik sharalarynyń ózi-aq bizdiń zań buzýǵa jol bermeı­tinimizdiń taǵy bir dáleli bolyp tabylady, dep atap kórsetti Q.Toqseıitov kezdesý kezinde. Son­daı-aq ol halyqaralyq áýejaı ujymyn alda kele jatqan Táýelsizdik merekesimen qut­tyqtady. «Egemen-aqparat».