Týrızm jáne sport mınıstrliginde týrızm jáne sport salalarynyń qyzmetkerlerine memlekettik nagradalar men mereıtoılyq medaldardy saltanatty tabystaý rásimi bolyp ótti.
El Táýelsizdiginiń 20 jyldyǵyn merekeleýge oraı ótken keńeıtilgen jıynǵa Týrızm jáne sport mınıstri Talǵat Ermegııaev tóraǵalyq etti.
О́ziniń quttyqtaý sózinde mınıstr týrızm jáne sport salalarynyń barlyq ókilderin elimizdiń Táýelsizdik kúnimen quttyqtady jáne elimizdiń oń jetistikterin aıta kele, oǵan týrızm jáne sport salasy qyzmetkerleriniń qosqan úlesin atap ótti.
Saltanatty jıynda T. Ermegııaev memlekettik nagradalar men mereıtoılyq medaldardy tabys etti.
«Qurmet» ordenimen sport salasynyń bes ókili marapattaldy, onyń ishinde 10 jylda álemniń 8000 metrden bıik shyńdaryna 14 ret shyǵyp úlgergen qazaqstandyq alpınıst, Qazaqstan Respýblıkasynyń alpınızmnen sport sheberi, elimizde alpınızm boıynsha ótken birinshilikterdiń birneshe dúrkin chempıony jáne júldegeri, 2010 jyldyń qorytyndysy boıynsha Qazaqstannyń joǵary sanatty qazirgi chempıony, TMD alpınızminiń ashyq chempıonatynyń birneshe dúrkin chempıony jáne júldegeri Maqsut Jumaev bar.
Bes adam «Eren eńbegi úshin» medalimen marapattaldy, onyń ishinde halyqaralyq grossmeıster, Qazaqstan Respýblıkasynyń eńbek sińirgen jattyqtyrýshysy Bolat Asanov, mınıstrliktiń Sport isteri jónindegi komıtetiniń «Ulttyq shtattyq komandalar jáne sport rezervi dıreksııasy» RMQK short-trekten bas jattyqtyrýshysy Mádiǵalı Qarsybekov bolsa, «Qazaqstannyń eńbek sińirgen qaıratkeri» qurmetti ataǵy «Qajymuqan Muńaıtpasuly atyndaǵy Sportta daryndy balalarǵa arnalǵan respýblıkalyq mektep-ınternat» MM dırektory Serik Túkeevke tabystaldy.
Búginde respýblıkalyq mádenı ortalyqtyń basynda otyrǵandar – isker adamdar. Shelektegi qazaq-uıǵyr mektebine uıǵyr mádenıet ortalyǵynan 500 myń teńge járdempul bólindi. Budan basqa Panfılov, Eńbekshiqazaq, Uıǵyr aýdandaryndaǵy, Almaty qalasyndaǵy birneshe uıǵyr mektebine qolynan kelgenshe kómektesti. Máselen, Panfılov aýdany 80 jyldyǵyn atap ótkende mádenıet ortalyǵy ardagerlerge arnap 2-3 kólik syılady. Olar qandaı da bir shara bolsa, jumylǵan judyryqsha kirisip ketedi. Sondaı-aq uıǵyr jastaryn grant esebinen joǵary oqý ornyna túsirý jaǵyna da kóńil bólýde. Mádenı birlestikter bul isti atqarýda jergilikti atqarýshy bılik ókilderimen, «Qazaq tili» qoǵamymen tyǵyz baılanys ornatyp, til tabysyp keledi. Demek, mynaý qazaqtyń, mynaý uıǵyrdyń máselesi degen áńgime joq. Bul sharýalar bárimizge ortaq.
Taǵy bir aıta ketetin jáıt, Assambleıa basshylary Qazaqstanda turatyn árbir ult ókilderimen turaqty túrde jıi kezdesýler ótkizedi. Mysaly, QHA Tóraǵasynyń orynbasary Eraly Toǵjanov Almaty qalasy men osy oblystyń Uıǵyr jáne Panfılov aýdandaryndaǵy uıǵyr ultynyń ókilderimen bir jylda birneshe kezdesý ótkizdi. Qazaq pen uıǵyr zııalylary qatysqan sondaı bir basqosýda ótkir máseleler tóńireginde áńgime qozǵap, keıbir adamdardy mazalaǵan máselelerge tushymdy jaýap berdi.
Al bizdiń 1957 jyldan beri úzdiksiz shyǵyp kele jatqan «Ýıǵyr avazı» gazeti QHA-nyń negizi qalanǵan kúnnen bastap onyń tynys-tirshiligin, atqarǵan jumystaryn júıeli túrde jarııalap keledi. Gazetimizdiń betinde Assambleıanyń qol jetkizgen tabys-tary men qyzmetine arnalǵan maqalalar kóp. Munda barlyq etnomádenı birlestikterdiń tynys-tirshiligi qamtylady.
Joǵaryda qazaq pen uıǵyrdyń tatý-tátti turatyn egiz halyq ekenin aıtqan edim. Soǵan dálel retinde myna bir dúnıelerdi tilge tıek etýdi jón sanap otyrmyn. О́zim qazaqtildi aqyn-jazýshylarmen, jýrnalıstermen óte jaqyn dospyn. О́mirden ozǵan Kamal Smaıylov, Qaltaı Muhamedjanov, Tumanbaı Moldaǵalıev sııaqty aǵalarmen, qurdasym Baqqoja Muqaımen syılas bolǵanymdy maqtan tutamyn. Sol kisilerden kóp nárseni úırendim. Keshe Qazaqstannyń halyq jazýshysy, aqyn Tumanbaı Moldaǵalıev aǵamyz ómirden ótkende kóńilim qatty qulazydy. Tumekeńdi aqtyq saparǵa shyǵaryp salǵan kúni gazetimizge úlken materıal jazdym. Tipti, aǵaly-inili bolyp ketkendikten be, erdiń jasy – elýge kelgenimde Tumanbaı aǵam maǵan ázil-shyny aralas óleń arnaǵan bolatyn. Onyń bir shýmaǵynda:
Bul ózi bıik uıǵyr, aspan uıǵyr,
Úırengen tárbıege jastan uıǵyr.
Sherlerin Tumanbaıdyń suratpaı-aq
Jyl saıyn gazetine basqan uıǵyr...
– dep keletin jeri bar. Mine, Tumanbaı aǵamen rýhanı jaqyndastyrǵan sol kúnder men úshin máńgi estelik ispettes. Mundaı dostyq qarym-qatynas Zııa Sámıdı men Sábıt Muqanovtyń arasynda da bolǵan. Sábıt Muqanovtyń «Qashqar qyzy» pesasynyń uıǵyr teatrynda uıǵyr tiline aýdarylyp sahnalanýyna Zııa Sámıdı kóp eńbek sińirgen eken. Sondaı-aq kompozıtorlar Quddys Qojamııarov pen Erkeǵalı Rahmadıev, akademıkter Hojahmet Sadýaqasov pen Ábdýálı Qaıdardyń, jazýshylar Hızmet Abdýllın men Qýandyq Shańǵytbaev, Shaıym Shavaev pen Baqytjan Momyshulynyń adal dostyqty baǵalaı bilgen jandar ekenin bilemiz. Elimiz Táýelsizdiginiń 20 jyldyǵyn toılaý ústinde. Bul – qazaq halqynyń ǵana emes, Qazaqstanda ómir súretin barlyq ult ókilderiniń asyǵa kútken meıramy. Táýelsizdik – árbir azamattyń keýdesine patrıottyq rýh berip, Otandy, eldi, jerdi súıýge erekshe kúsh-qýat beretin tátti uǵym. Biz bul aıtýly kúndi óz deńgeıinde mazmundy ári maǵynaly túrde atap ótýimiz kerek. Osy leppen alda kele jatqan Parlament saılaýyna da bir kisideı atsalyssaq deımin. Elbasynyń ózi: «Demokratııalyq qoǵamda Parlament keminde eki partııaly bolýy tıis», degen bolatyn. Sondyqtan da Táýelsizdiktiń aıshyqtaryn ajarlandyra túsemiz desek, bárimiz demokratııalyq saılaýdyń oıdaǵydaı ótýine óz úlesimizdi qosaıyq. Dastan KENJALIN. Almaty.
