Tóraǵa Qazaqstan Marokkony BUU jáne basqa halyqaralyq uıymdaryndaǵy mańyzdy áriptes retinde qarastyratynyn atap ótti. Onyń aıtýynsha, Ortalyq Azııadaǵy birden-bir - Astanada elshilik ashý týraly Marokko úkimetiniń sheshimin Qazaqstanda tıisti deńgeıde baǵalaıdy. Marokkoda da dıplomatııalyq ókildiktiń qurylýy da alys emes.
Q.Toqaev BUU Bas Assambleıasynyń 72-shi sessııasynda Marokkonyń Vıse-prezıdent laýazymyna saılanýymen quttyqtady, bul beıbitshilikti qoldaý máseleleri, klımattyń ózgerýleri men terrorızmmen kúres salalaryndaǵy BUU qyzmetine Marokkonyń úlesin halyqaralyq qoǵamdastyqtyń moıyndaýy bolyp tabylady.
Elshi BUU Qaýipsizdik Keńesindegi syndarly yntymaqtastyq pen Marokko ustanymdaryn qoldaýyna baılanysty Qazaqstanǵa alǵysyn bildirdi.
Parlamentaralyq yntymaqtastyqty talqylaı kelip, júzdesýshiler baılanystardy odan ári damytý jáne barlyq deńgeıdegi delegasııalar almasýdyń qajettigin atap ótti.
Q.Toqaev bıyl qazan aıynda «Dinı kóshbasshylar qaýipsiz álem jolynda» taqyryby boıynsha Astanada ótetin Álemdik jáne dástúrli dinder lıderleriniń kezekti Sezine ázirlik týraly dıplomatty jan-jaqty habardar etti. «Qatysýshylardyń joǵary deńgeıi men aýqymdy sıpaty talqylaýǵa shyǵarylatyn taqyryptardyń mańyzdylyǵyn ǵana emes, dıplomatııanyń kóptarapty ortalyqtarynyń biri retindegi Qazaqstannyń halyqaralyq bedelin de pash etip otyr», - dedi Senat basshysy.
