Jerebe tartý rásimi ótti

Keshe keshkisin Qazaqstan Respýblıkasynyń Ortalyq saılaý komıssııasynda saıası partııalardyń ataýlaryn saılaý bıýlletenine engizý týraly jerebe tartý rásimi bolyp ótti. Ortalyq saılaý komıssııasynyń 1999 jylǵy 13 shildedegi qaýlysymen bekitilgen erejege sáıkes jerebe tartý Ortalyq saılaý komıssııasynyń otyrysynda júzege asyryldy. Jerebe tartý rásimine par­­­­tııa­­­lyq tizimderin usynǵan barlyq saıası partııalardyń ókilderi qa­­­­­tysty. Al rásim mynadaı tártip boıynsha ótkizildi. Túsi men mól­­sheri birdeı konvertterge Orta­­­lyq saılaý komıssııasynyń mú­­­she­­­si OSK partııalyq tizimderin tirkegen partııalardyń sanyna sáı­kes rettik sandary bar paraq­tardy saldy. Bul rette bir konvertke nómiri bar bir ǵana paraq salyndy. Konvertter jelimdelip, ara­­­­las­­­tyryldy jáne barlyq qatysý­­­shylardyń kóz aldyndaǵy ústelge jaıylyp tastaldy. Odan keıin árbir saıası partııanyń ókili kezek-kezek ústelden kez kelgen kon­­­verttiń bireýin tańdap, ony ashty. Ishindegi paraqty alyp, ondaǵy nó­mirdi jarııalady. Konverttegi nómir saıası partııanyń saılaý bıýl­letenine engiziletin rettik sa­ny bolyp tabylady. Al jerebe tartý rásiminiń ná­­­­­­­­­tıjeleri boıynsha 2012 jylǵy 15 qańtarda daýys berý kezinde saıa­sı partııalardyń ataýlary saı­­­­­­­­­­­laý bıýlleteninde kelesi tártip­­pen ornalasatyn bolady: 1. «Nur Otan» halyqtyq-demokratııalyq partııasy. 2. Qazaqstannyń Patrıottary partııasy. 3. «Rýhanııat» partııasy. 4. Qazaqstannyń «Aq jol» demokratııalyq partııasy. 5. Jalpyulttyq sosıal-demokratııalyq halyq partııasy. 6. Qazaqstannyń Kommýnıstik halyq partııasy. 7. Qazaqstan sosıal-demo­­kra­tııalyq «Aýyl» partııasy. 8. «Ádilet» demokratııalyq partııasy.