Qurmetti qonaqtar ishinde, Qazaqstan Respýblıkasy Prezıdenti Ákimshiligi Basshysynyń orynbasary Orazalın Ońdasyn Seıiluly jáne Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi Tóraǵasy Shpekbaev Alık Jatqambaıuly boldy. Sonymen qatar, saltanatty keshke Aýǵanstan elshisi Shahım Kadam Shah, Mońǵolııa elshisi Lýasan Battýlga, Birikken Arab Ámirliginiń elshisi Ahmad Sýltan Essa Aldjaber, Makedonııa Respýblıkasynyń birinshi hatshysy Mýarem Medjıtı, Qyrǵyz Elshiliginiń ekinshi hatshysy Okeeva Alıma, Birikken Arab Ámirligi Elshiliginiń attashesi Altaherı Hınd jáne Orta Azııadaǵy Hanns Zaıdel Qory jobasynyń basshysy Maıer Maks Georg qatysty.
Magıstratýra boıynsha oqyǵan 105 memlekettik qyzmetkerler ishinde Qazaqstannan basqa, Qyrǵyzstan, Mońǵolııa jáne Aýǵanstan azamattary boldy. Olar «Memlekettik menedjment», «Memlekettik saıasat», «Aımaqtyq damý» jáne «Halyqaralyq qatynastar» mamandyqtary boıynsha magıstr dárejesine ıe boldy. 11 memlekettik qyzmetkerlerge PhD doktory jáne mamandyq boıynsha doktor dárejeleri berildi. «Úzdik memlekettik qyzmetker» Respýblıkalyq konkýrsynyń jeńimpazy Igenbaev Almat Erdáýletuly quttyqtaý sóz sóılep, túlekterdi elge adal qyzmet etýge shaqyrdy. Kesh sońynda «Halyqaralyq qatynastar» mamandyǵynyń magıstri bilim alýshylar atynan ant qabyldap, Memlekettik qyzmetker mártebesin bıik ustaýǵa senim bildirdi.
