El Táýelsizdiginiń jıyrma jyldyq mereıtoıy qarsańynda belgili kósemsózshi ári jazýshy Beıbit Saparalynyń «Tuńǵysh Prezıdenttiń balalyq shaǵy» degen kitap-albomy jaryqqa shyqty.
Ǵumyrbaıandyq derekter men estelik-tolǵaýlar molynan qamtylǵan, sırek kezdesetin fotoqujattarmen bezendirilgen bul kitap-albom «Áfsanamen órilgen ańyz ǵumyr», «Úshqońyr jaılaýynda týyp-óstim!», «Qasıetińnen aınalaıyn, Qaskeleń!» jáne «Bolashaqta kimder bolmaq Prezıdent?» atty tórt bólimnen turady.
Avtordyń elimizdiń Tuńǵysh Prezıdenti – Elbasy N.Á.Nazarbaevtyń balalyq shaǵy, eseıý jyldary týraly osy attas kitaby 1995 jyly jeke kitap bolyp shyqqan edi. Al bul kitapqa Beıbit Saparaly sol kitapty negizge ala otyryp, tyń derekter men Prezıdenttiń synyptastarynyń aıtqan sony pikir-estelikterin, ósken ortasyn, týǵan ólkesin shynaıy kórsete bilgen eken. Sondyqtan da avtordyń atalǵan eńbegi esh boıamasyz tartymdy oqylady.
«Tuńǵysh Prezıdenttiń balalyq shaǵynyń» taǵy bir ereksheligi, bul dúnıede ólketaný, jambyltaný, sondaı-aq nursultantaný taqyryptaryna baılanysty keıbir ózekti máselelerdiń de qamtylýy der edik. Osy arqyly da kitap-albom óziniń tanymdyq, taǵylymdyq jáne nasıhatshylyq qyryn arttyryp otyr.
Álısultan QULANBAI.
