Májiliste marapattaý ótti

Keshe Qazaqstan Respýblıkasy Parlamenti Máji­lisinde el Táýelsizdiginiń jıyrma jyldyq mereı­toı­y­na arnalǵan saltanatty jınalys ótti, dep habarlady Má­jilistiń baspasóz qyzmeti. Qazaqstan Respýblıka­sy­nyń Prezıdenti Nursultan Na­zar­baevtyń Jarlyǵymen memlekettik jáne qoǵamdyq qyz­met­tegi eńbegi, eldiń áleýmet­tik-ekono­mı­kalyq jáne mádenı damýyna, halyqtar arasyn­da­ǵy dostyq pen yntymaq­tas­tyqty nyǵaı­tý­ǵa qosqan eleýli úlesi úshin Qazaqstan Respýb­lıkasy Parlamenti Májilisi  tórtinshi shaqy­ry­lymynyń  bir­qatar depýtat­ta­ryna  joǵa­ry otandyq nagra­dalardy Memlekettik hatshy Qanat Saýdabaev tapsyrdy. Ol parlamentshilerge: «О́te qysqa merzimde elimiz ǵasyrǵa tatyrlyq joldan ótti. El­ba­sy­myz Qazaqstandy álemge tanyt­ty. Qazaqstan halqy osy­naý 20 jylda joǵary eń­bek úlgisin kórsetip, Memleket basshysy­nyń janyna tyǵyz toptasty. Onyń úlken maqsaty men órshil muratyn júzege asy­rý jolynda jurtymyz jan­qııarlyqpen, ja­sampaz­dyq­pen eńbek etti. Sizder de Elbasymyzben birge osy­naý ulan-ǵaıyr iske óz úlesterińizdi qostyńyzdar. Májilis tórt jarym jyldyń ishinde 525 zań jobasyn qabyldap, Senatqa jol­dady, onyń ishinde 493 zańǵa Prezıdent qol qoıdy. Qol qoıylǵan zańdardyń bir parasy álem ekonomıkasy daǵ­darysqa ushyraǵan kezeńdegi qıyn jaǵdaıdan shyǵýǵa úlken yqpal etti. Depýtattar ekono­mı­kamyz­ǵa qajetti zańdardy der kezinde qabyldap, Úki­met­tiń daǵdarysqa qarsy pármendi sharalar qol­da­nýyna múmkindik jasady. Qa­byldanǵan zań jobalary ishinde elimizdiń ishki-syrtqy saıasatyna baılanysty asa mańyzdy, stra­tegııalyq máni zor qujattar da bar.  Máselen, byltyrǵy jyly ǵana sizder Keden odaǵyna qa­tysty 30-dan astam zań jobasyn bir aıdyń ishinde, shuǵyl túrde qabyldadyńyzdar. Táýelsizdigi­mi­zdiń 20 jyldyq merekesine osyndaı tolaıym tabystarmen kelip otyrsyzdar», – dedi. Sodan keıin Memlekettik hatshy Gúljan Qaraǵusovaǵa  II dárejeli «Barys» ordenin, Seıitsultan Áıimbetov, Zaǵıpa Balıeva, Vıktor Kııanskıı, Daýylbaı Qusaıynov, Romın Mádınov, Ýálı Qurmanǵalıǵa «Parasat» ordenin, Vladımır Bobrovqa II dárejeli «Dostyq» ordenin tapsyrdy. Sonymen qatar, Maıra Aısına, Jaqyp Asanov, Svetlana Bychkova, Ýálıhan Qalıjanov, Ýá­lıhan Qońyrbaev, Shavhat О́te­misov, Aıgúl Solovevaǵa «Qur­­met» ordenimen qosa, «Qa­zaqstan Respýblıkasynyń Táý­el­sizdigine – 20 jyl» merekelik medalin tapsyrdy. Q.Saýdabaev Qazaqstan Res­pýblıkasy Parlamenti Májilisi  tórtinshi shaqyrylymynyń  bir­qatar depýtattaryna da «Qa­zaq­stan Respýblıkasynyń Táýel­sizdigine – 20 jyl» merekelik medalin tabystady. Memlekettik hatshy Májilis Apparatynyń bólim meń­ge­rý­shi­si Nárkes Tileýhan men  Májilis Apparaty bólim meńgerýshisiniń orynbasary Sátbek Shalbaevqa «Qurmet» ordenin, Májilis Apparaty basshysynyń oryn­basary Araı Orazovqa «Eren eńbegi úshin» medalin, Májilis Apparatynyń bólim meń­gerý­shisi Patıma Qııasbaevaǵa Qa­zaq­stan Respýblıkasynyń Qurmet gramotasyn jáne  Qazaqstan Res­pýblıkasy Parlamenti Máji­lisi  Apparatynyń basshysy Ergen Doshaevqa «Qazaqstan Res­pýblıkasynyń Táýelsizdigine – 20 jyl» merekelik medalin tapsyr­dy.

*    *    *

Sondaı-aq,  Qazaqstan Res­pýb­lıkasy Parlamenti  Máji­lisiniń Apparat basshysy Ergen Doshaev  palata qyzmetkerlerin el Táýelsizdiginiń 20 jyldyq mereıtoıymen quttyqtap, sal­ta­natty jınalys ótkizdi. Bir­qa­tar Parlament qyzmetkerlerin merekelik medalmen marapattap, Apparat qyzmetkerleriniń bir tobyna memlekettik turǵyn úıden  bólingen páterlerdiń qu­jattaryn tapsyrdy. Sonymen qatar, Májilistiń qyzmetin qamtamasyz etýge qosqan úlesi men belsendi eńbegi úshin Parlament  qyzmetkerleriniń taǵy birqataryna alǵys jarııalandy.