Yntymaqpen kelgen ult toıy

Memleket basshysynyń atyna Qazaqstan jurtshylyǵynan el Táýelsizdiginiń 20 jyldyǵyna baılanysty quttyqtaýlar tolassyz kelip túsýde. Hat ıeleri elimizdiń 20 jylda jetken jetistikterin Ult Kóshbasshysy, Qazaqstan mem­lekettiliginiń negizin qurý­shy, álemdik deńgeıdegi kór­nek­ti qaıratker, Memleket bas­shysy N.Á.Nazarbaevtyń esimimen tyǵyz baılanystyrady. Osyndaı mazmundaǵy hat Ońtústik Qazaqstan oblysy, Shardara aýdanynyń jurtshy­ly­ǵynan keldi. «Asa qurmetti Nursultan Ábishuly! Sizdi qasıetti Otanymyzdyń Táýel­siz­diginiń 20 jyldyǵy merekesimen shyn júrekten qut­ty­q­taımyz! Táýelsizdik teńdessiz baqyt ekendigin jáne ony baıan­dy etý jolynda ǵasyr­larǵa teń qysqa ýaqyt ishinde orasan qyz­met atqarǵany­ńyz­dy biz, Shardara halqy, erekshe baǵalaımyz ári qasterleımiz. Babalarymyz ań­sa­ǵan Táýel­sizdikti jarııalap, jańa tur­pat­ty, táýelsiz, jas mem­le­ket­tiń irgetasyn qalap, álem moıyndaǵan elderdiń qata­ryna qosý Sizdiń qolyńyzdan kelgenin árdaıym maqtan etemiz. Táýelsizdiktiń 20 jyldyǵyn bizdiń elimiz kóterińki kóńil­men, aıtýly jetistiktermen, be­reke, molshylyqpen, eń bas­tysy, yntymaq, birlikpen qar­sy alyp otyr. Sizdiń basshy­lyǵyńyzben Qazaq eli talaı synnan súrinbeı ótti, alda da súrinbeı ótip, odan ári ór­ken­deı beredi dep senemiz», delingen hatta. Ujymdyq hatqa soǵys jáne eńbek ardagerleri, aýdannyń qurmetti azamat­ta­ry, zeınetkerler, ardaqty ana­lar, ustazdar, jeke kásip­ker­ler, eńbekkerler, sharýashylyq jetekshileri men ujymdardyń basshylary, t.b. qol qoıǵan. Elimizdiń 20 jyl ishinde qar­qyndy damyp, búkil álemge ta­nymal memleket bolyp qalyp­tas­qany Elbasynyń sarabdal saıasatynyń jemisi ekeni Oń­tús­tik Qazaqstan oblysy, Otyrar aýdanynyń turǵyny, eńbek ardageri K.Aıtquldyń hatynda atap ótilgen. Al, Oral qalasynyń tur­ǵyny, zeınetker O.Iman­ǵa­lıev Memleket basshysyn Qa­zaqstannyń 20 jyldyq meı­ramymen quttyq­taı otyryp, zor densaýlyq, mol baqyt jáne elimizdiń órkendeýi jolynda atqaryp kele jatqan qyzmetine úlken tabystar tilegen. Elbasy N.Á. Nazarbaevty Táýelsizdiktiń 20 jyldyǵymen quttyqtap, júrekjardy qýa­nyshtaryn bólisken qazaqstan­dyq­tardyń qatarynda, sony­men qatar, «Nur Otan» par­tııasynyń múshesi, Batys Qa­zaqstan ob­ly­sy, Talshyq selo­synyń turǵyny I.Ilıasov, Taraz qalasynyń turǵyny, mektep oqýshysy Isabek Rahat, Mańǵystaý oblysy, Jańaózen qalasynyń turǵyny, mektep oqýshysy J.Shalabaeva, Qara­ǵan­dy oblysy, Shahtınsk qala­synyń turǵyny P.Brıansev, Astana qalasynyń tur­ǵyn­dary E.Ahmetov, E.Abdrahmanov bar.