Keshe Premer-Mınıstr Kárim Másimovtiń tóraǵalyǵymen «Samuryq-Qazyna» ulttyq ál-aýqat qory» AQ-tyń dırektorlar keńesiniń kezekti otyrysy ótti.
Onda «Samuryq-Qazyna» AQ-tyń 2011-2015 jyldarǵa arnalǵan damý jospary bekitildi. Josparda qyzmettiń sheshýshi kórsetkishteriniń strategııalyq óndiristik, qarjylyq, áleýmettik, ındýstrııalyq-ınnovasııalyq toptary kórinis tapqan.
Sondaı-aq josparda 2010-2014 jyldarǵa arnalǵan memlekettik údemeli ındýstrııalyq-ınnovasııalyq damý baǵdarlamasyna, ındýstrııalandyrý kartasyna jáne basqa da salalyq baǵdarlamalarǵa engen strategııalyq ınvestısııalyq jobalar qamtylǵan.
Sonymen birge dırektorlar keńesi «Samuryq-Qazyna» AQ-tyń jańa redaksııadaǵy erejesin bekitti. Onda qor basqarmasynyń qyzmeti egjeı-tegjeıli reglamenttelgen.
«Egemen-aqparat».
