"Bul ómirde barlyǵy zymyrap tez ótedi dep aıtamyz. Sebebi adam jadynda ótken ómirdiń tek jarqyn sátteri saqtalady. Sondyqtan ýaqyt syǵymdalady. Bolmashy dúnıeler umytylyp, tamasha áserler qalady jáne ýaqyt óte qysqa bolyp kórinedi", - dedi Prezıdent.
Nursultan Nazarbaev qazaqstandyqtardyń aǵa býyny ózge urpaqta qaıtalanbaıtyn erekshe ýaqytty bastan ótkergenin atap ótti.
"Biz jastyq shaǵymyzda álemge tóńkerilgen dúrbimen qaraımyz. Aldymyzda myńdaǵan jyldar bar sekildi kórinedi. Al keıin ýaqyt jetkende durys dúrbini qolǵa alamyz. Árıne, az ómir súrmedik, talaı joldan óttik. Bir jaǵynan bul qıyn kezeńder boldy. Ekinshi jaǵynan, bul qazaqstandyqtardyń ózge býynynda qaıtalanbaıtyn erekshe ýaqyttar edi. Men óz elimniń táýelsizdiginiń kýágeri ǵana bolyp qoımaı, onyń ómirge kelýiniń basy-qasynda bolǵandardyń biri edim. Bul jerde jalǵan qarapaıymdylyqqa salynbaı-aq qoıaıyn. Árıne úzeńgilesterim men halqymmen birge qol jetkizdim. Sondyqtan, ótken kúnder týraly keremet áser bar, razylyq sezim bar jáne alda turǵan úlken mindetter bar", - dep óz sózin túıindedi Prezıdent.
