Qytaı Halyq Respýblıkasynyń Tóraǵasy Sı Szınpın Nursultan Nazarbaevty týǵan kúnimen quttyqtaı kelip, Qazaqstan men Qytaı arasyndaǵy yntymaqtastyqtyń damý yrǵaǵy joǵary ekenin atap ótti.
«Qazaqstan men Qytaı – tatý kórshiler jáne kópqyrly strategııalyq seriktester. Men Qazaqstan-Qytaı qarym-qatynasynyń damýyn joǵary baǵalaımyn jáne Sizben birlese otyryp, ózara qoldaýdy ári qaraı nyǵaıtýǵa, «Nurly jol» jańa ekonomıkalyq saıasaty men «Bir beldeý – bir jol» bastamasy salasyndaǵy yntymaqtastyqty tereńdetýge, eki el halyqtarynyń ıgiligi úshin jumys isteýge daıynmyn», delingen jedelhatta.
* * *
О́zbekstan Respýblıkasynyń Prezıdenti Shavkat Mırzııoev qazirgi Qazaqstannyń barlyq joǵary jetistikteri, tabystary men jeńisteri Nursultan Nazarbaevtyń atymen tikeleı baılanysty ekenin atap kórsetti.
«О́zin tolyqtaı halqyna qyzmet etýge arnaǵan, eliniń bolashaǵy men ár azamattyń taǵdyry úshin alǵaýsyz alańdaıtyn Sizdiń shyn mánindegi adamı jáne isker qasıetterińizdiń, ádiletti de talap qoıǵysh basshynyń talantynyń arqasynda Siz tek Qazaqstan men bizdiń óńirde ǵana emes, sondaı-aq odan shalǵaı jerlerde de oryndy qurmet pen joǵary bedelge ıe boldyńyz», delingen jedelhatta.
Sh.Mırzııoev eki el arasyndaǵy strategııalyq seriktestik ári qaraı da dáıektilikpen tereńdeıtinine jáne jan-jaqty nyǵaıatynyna senim bildiredi.
* * *
Tájikstan Respýblıkasynyń Prezıdenti Emomalı Rahmon Nursultan Nazarbaevty týǵan kúnimen quttyqtap, onyń Qazaqstannyń ári qaraıǵy ósip-órkendeýi men progresi jolyndaǵy qyzmetine jańa tabystar tileıdi.
«Tájikstanda bizdiń halyqtarymyzdyń arasynda tarıhı qalyptasqan dostyq pen qurmet úderisteri úzdiksiz damýyna Sizdiń qosyp kele jatqan jeke úlesińizdi joǵary baǵalaıdy. Biz jaqynda bolyp ótken Astanadaǵy kelissózimiz ben kezdesýimiz barysynda kópqyrly tájik-qazaq yntymaqtastyǵyn jańa mańyzdy ýaǵdalastyqtarmen nyǵaıttyq. Olardyń dáıektilikpen júzege asyrylýy bizdiń elderimizdiń strategııalyq seriktestigin jan-jaqty bekemdeýdiń faktory bolatynyna senimdimin», delingen jedelhatta.
* * *
О́ziniń quttyqtaý jedelhatynda Mońǵolııa Prezıdenti Haltamaagıın Battýlga Qazaqstan-Mońǵolııa qarym-qatynasynyń damýyna Nursultan Nazarbaevtyń qosyp otyrǵan jeke úlesin atap kórsete kelip, Sındao qalasyndaǵy Shanhaı yntymaqtastyq uıymyna múshe memleketter basshylarynyń sammıti alańynda ótkizilgen ekijaqty kezdesýdiń nátıjelerin oń baǵalaıdy.
«Men Sizdiń saýda-ekonomıkalyq yntymaqtastyqty ári qaraı damytý úshin bizde úlken múmkindikter bar degen pikirińizben kelisemin. Biz aldaǵy kezde de aýyl sharýashylyǵy jáne óńdeý ónerkásibi salasynda belsendi ózara is-qımyl tanytýǵa daıynbyz.
Sizge zor densaýlyq, al dostas Qazaqstan halqyna ósip-órkendeý tileımin!», delingen jedelhatta.
