Jyr arqaýy – el mereıi

El táýelsizdiginiń 20 jyldyq merekesi qurmetine arnap Astana qalasy ákimdigi men Qazaqstan Jazýshylar odaǵynyń Astana fılıaly birigip jarııalaǵan respýblıkalyq jyr músháırasy óz máresine jetti. Kórnekti qalamgerler tórelik etken qazylar alqasy báıgege qatysqan 125 aqynnyń shyǵarmalaryn jan-jaqty saraptaı kele eńseli elimizdiń asyl murattaryn jarqyrata jyrlaı bilgen júldeger aqyndardy anyqtady. Sonymen, Astanadaǵy alaman jyr báıgesinde bas báıgeni – «Azattyq» atty tolǵaýymen Ońaıgúl Turjan, birinshi oryndy – «Aspannan qazaq jaýǵan kún» poemasymen Járken Bódesh­uly, ekinshi oryndardy – «Alla menen Alashtyń arasynda» atty óleń toptamasymen Serik Aqsuńqaruly jáne «Aqboz atty arýlar», «Táýelsizdik» tolǵaýlarymen Bıǵaısha Medeýova, úshinshi oryndardy – táýelsizdikke arnalǵan bir top óleńderimen Gúlnár Salyqbaeva, Toq­tar­bek Hamzın, Naýryzbek Sar­shaev jeńip aldy. Yntalandyrý syılyqtaryn – Tolybaı Aby­laev, Aqyl­bek Shaıahmetov, Juma-Nazar Somjúrek, Sáýle Dosjan, Dınara Málikova ıelendi. Músháıraǵa qatysqan barlyq aqyndardyń báıgege túsken shyǵarmalary iriktelip, keler jyly «Táýelsizdikke tartý» degen atpen jeke kitap bolyp shyǵatyn boldy. Jınaqtyń jaryq kórýine Astana qalasy ákimdigi demeýshilik jasamaq. «Egemen-aqparat».