Eloradanyń torqaly toıyn atap ótý qarsańynda kóptegen merekelik sharalar uıymdastyrylyp jatqany belgili. Sonyń biri – mádenıetimizge mándi ǵumyryn arnap, sport salasyna mańdaıterin tókken, el ıgiligine eleýli eńbek sińirip júrgen bir top qoǵam ókilderine berilgen marapat.
«Astana 20 jyl» mereıtoılyq medali men estelik syılyqtaryn Mádenıet jáne sport mınıstri Arystanbek Muhamedıuly tabystady. Bas shahardyń eńseli boı túzeýine qosqan úlesi úshin qoǵam qaıratkerleriniń, ǵylym jáne shyǵarmashylyq zııaly qaýymnyń, sport sańlaqtarynyń ishinen 62 adam osy marapatqa laıyq dep tanyldy. Olardyń ishinde Bıbigúl Tólegenova, Asanáli Áshimov, Myrzataı Joldasbekov syndy tulǵalar bar. Aıta ketýimiz kerek, «Astana 20 jyl» mereıtoılyq medali Prezıdent N.Nazarbaevtyń Jarlyǵyna sáıkes taǵaıyndalǵan memlekettik nagrada bolyp esepteledi.
Mıras ASAN,
«Egemen Qazaqstan»
