2018 jyl respýblıkamyz úshin aıryqsha bolmaq – Qazaqstan halqy elordanyń 20 jyldyǵyn atap ótedi. Astana – barsha álem úshin ultaralyq birlik pen kelisimniń nyshanyna aınaldy.
11 jyl ishinde Astana túrki órkenıetiniń ult ókilderi bas qosqan aýqymdy jıynǵa bastamashy bolýda. «Astana-Arqaý» festıvalin turaqty túrde ótkizý halyqaralyq deńgeıdegi ultaralyq qarym-qatynas dástúrin jańǵyrtýǵa, Qazaqstannyń túrki mýzykalyq mádenıetiniń biriktirýshisi retindegi rólin nyǵaıtýǵa yqpal etedi.
«Astana-Arqaý» festıvaliniń konsertterinde alys-jaqyn shetelge esimi tanymal óner sheberleriniń oryndaýynda barlyq túrki halyqtarynyń mýzykasy usynylady. Batys pen Shyǵys tyńdarmandaryn tamsandyratyn janrlar – baqsylardyń án-jyry, homýsqa (shańqobyz) arnalǵan keremet kompozısııalar, kómeımen án aıtý, epıkalyq jáne aspaptyq shyǵarmalar, Orta Azııa men Qazaqstan, Kúngeı Kavkaz ben Anatolııa, Volga jaǵasy men Sibir túrkileriniń án lırıkasy oryndalady.
Túrki áleminiń mýzykalyq murasyn baǵalaýshylarǵa tamasha tosynsyı ázirlegen festıval elorda turǵyndary men qala qonaqtarynyń jadynda máńgi saqtalatyn eleýli oqıǵa bolmaq.
