Joǵaryda esimderi atalǵan qos sańlaqtyń rekordyn buzýǵa Lıýı Bınniń tamasha múmkindigi bar. Sol jospardy júzege asyrý úshin 23 jastaǵy Qytaı boksshysy 15-shildede Malaızııada ótetin jekpe-jekte Karlos Kanısalesti utýǵa tıis. Birden aıta keteıik, bul ońaı sharýa emes. Sebebi, búgingi tańda Venesýela ókiliniń dańqy dúrkirep tur. Osy kúnge deıin 20 kezdesý ótkizgen ol 19 ret jeńis toıyn toılady. 16 qarsylasyn nokaýtpen jeńdi. Qazirgi kezde 25 jastaǵy Karlos WBA nusqasy boıynsha birinshi asa jeńil salmaqtyń altyn belbeýin ıelenip otyr.
Al Lıýı Bındi biz áýesqoı rıngte júrgen kezinen jaqsy bilemiz. 49 kılo salmaqta judyryqtasqan ol Qytaıdyń eki dúrkin chempıony jáne eki dúrkin júldegeri atandy. 2013 jyly Ammandaǵy Azııa birinshiliginde úshinshi orynǵa taban tiredi. Sol jyly Almatyda jalaýy jelbirgen álem chempıonatynda kúsh synasyp, ekinshi aınalymda jeńilis tapty. Sondaı-aq, Bın 2014 jylǵy Azııa oıyndary men 2016 jylǵy Olımpııa oıyndaryna qatysqanymen, bastapqy kezeńderde súrindi. Dúnıejúzilik boks serııasy dodasyna qatysyp, eki báseke ótkizdi.
Byltyrǵy jyldyń jazynda Lıýı Bın kásipqoı rıngte juydyryqtasýdy kup kórdi. О́z elinde ótken tusaýkeser kezdesýinde taılandtyq Vanchaı Nıanghansany úshinshi raýndta tehnıkalyq nokaýtpen utty. Mine, endi ol Karlos Kanısalespen aıqasqaly otyr. Eger Kýala-Lýmpýrdegi aıqasta qytaı jigiti utatyn bolsa, onda sport súıer qaýym kásipqoı bokstaǵy taǵy bir rekordtyń kýási bolmaq.
Ǵalym SÚLEIMEN,
«Egemen Qazaqstan»
