- Kez kelgen ult pen memlekettiń bolashaǵy eń aldymen, azamattardyń bilimdiligine, mádenı deńgeıi men densaýlyǵyna baılanysty. Táýelsizdik alǵan kúnnen bastap Prezıdentimiz Nursultan Ábishuly Qazaqstan óziniń aqyldy ári saýatty azamattarynyń arqasynda damyǵan otyz eldiń qataryna tezirek ený úshin barlyǵyn jasap jatyr. Prezıdent tapsyrmasyn oryndaı otyra byltyr biz Aqtóbe oblysynda 14 jańa mektep ashtyq. Qazir 26 mektep salyp jatyrmyz, olardyń 13-in jyl sońyna deıin paıdalanýǵa beremiz. Dóń aýylyndaǵy mekteptiń Astananyń mereıtoıyna, sonymen qatar Dóń taý-ken baıytý kombınatynyń 80 jyldyǵyna oraı ashylýy eki ese qýantady. О́ıtkeni, aýyldyń ekonomıkalyq jaǵynan belsendi halqynyń 60 paıyzy – osy kombınattyń qyzmetkerleri. Árqaısysyńyzdy osyndaı qýanyshty oqıǵalarmen quttyqtaımyn, - dedi oblys ákimi jınalǵandarǵa qarata aıtqan sózinde.
Jańa mektep 600 oqýshyǵa arnalǵan. eki oqý blogynan turatyn úsh qabatty ǵımaratta oqýshylardyń sabaq oqyp, shyǵarmashylyq qabiletterin damytý úshin barlyq jaǵdaı jasalǵan. Barlyq kabınetter ınternetpen, mýltımedııalyq jabdyqtarmen jaraqtanǵan. Kitaphana, eik sport jáne akt zaly, ashana, hımııa, bıologııa, fızıka kabıneti men eń jańa úlgide modıfıkasııalanǵan lıngafon kabıneti bar.
Aýlada fýtbol, basketbol oınaıtyn alańdar, júgiretin jol, tennıs jáne shahmat ústelderi ornatylǵan.
Mektep bilim berý normalary men qaýipsizdik talaptaryna tolyqtaı saı keledi.
Temir Qusaıyn,
«Egemen Qazaqstan»
