El eńsesin tiktegen tuǵyrly jyldar

Talaı býyn kóksegen el mu­raty aqtalyp, Qazaqstan­­­nyń táýelsizdik alǵanyna 20 jyl toldy. Bul myńdaǵan jyl­dardy artqa tastaǵan kóne tarıh úshin qas-qaǵym sát. Alaı­da, elimiz osy jıyrma jylda qaryshtap damydy. Eko­­nomı­kada, mádenıette, ǵy­­­lymda álem elderin tańdan­dyr­ǵan je­­tistikterge jetti. Bul jáı aıtylǵan sóz emes. Tuńǵysh Prezıdentimizdiń sara basshy­lyǵy arqasynda bú­­­­kil qazaq­standyqtardyń ju­my­­­la atqar­ǵan eńbeginiń jemisi. 1995 jyly jalpyhalyq­tyq referendým arqyly jańa redaksııada Konstıtýsııa qa­byl­dandy. Konstıtýsııanyń 1 babynda Qazaqstan zaıyrly, áleýmettik memleket dep naq­­­­ty jazyldy. Demek, memleketimizde halyqtyń ál-aýqatyn art­tyrý damýdyń negizgi ba­­­ǵytyna aınaldy degen sóz. Keıde jaqsy men jamandy salystyrýdyń kerek tustary­nyń baryn aıta ketý kerek dep oılaımyn. О́ıtkeni, shynaıy aqı­qat salystyrý arqyly kó­rinedi. Biz Keńes odaǵy qula­ǵan­­­nan keıingi toqsanynshy jyl­­dardy eske túsirip, 20 jyl­ǵa keıin sheginip kóreı­­­­ik­­­shi. Kóz aldymyzǵa to­qyraǵan ónerká­­­sip oryndary, zaýyt­­­tar, qıra­ǵan kolhoz-sovhozdar, syıqy ketken aýyl, eldi mekender keledi. Bu­zyl­ǵan ba­­la­baq­shalar, mádenıet oshaqta­­ry, teatrlar, kitaphanalar ja­­­bylyp, halyq ómirin múl­dem qıyndata tústi. Oǵan qosa dú­kender men ba­zarlardaǵy uzyn-sonar kezekter paıda boldy. Qa­zir osy­­­lar­dyń biri joq. Búginde gúl­de­nip, damyp kele jatqan Táý­el­siz Qazaqstan memleketin kóre­­­miz. О́tken ómir­diń qıyn­­dyq­­­­­­tary búginde umyt bola bastady. Táýelsizdiktiń alǵashqy jyl­daryndaǵy osyndaı áleýmettik-ekonomıkalyq daǵdarysty jeńý ońaıǵa soqqan joq. Bul daǵda­rystan shyǵýdaǵy Elbasy Nur­sul­tan Nazarbaevtyń kóshbas­shylyq qasıetin erekshe aıtý oryn­dy. Eldi bir ıdeıa, aınala­syna toptastyryp, tatýlyq pen turaqtylyqty tý etip, halyqty alǵa bastaýda kóregendik tanyt­qan Prezıdentimizdiń eńbegi erekshe. Biz qalaı aıtsaq ta tarıh ár nárseni óz ornyna qoıady. Tá­ýelsizdigimizdiń alǵashqy 20 jyly jetistikke toly bol­ǵanyn keleshek urpaq maqta­nyshpen eske alyp, rızalyqpen aıtyp júretinine senemin. Táýelsizdigimizdiń torqaly toıy qarsańynda Parlament qa­byldaǵan Deklarasııa da bizdiń búkil jeńisimiz ben jetistigimizdi Qazaqstan halqyna shynaıy jetkize bildi. Qabyl­danǵan deklarasııa elimizdiń Táýelsizdi­­­gi­niń 20 jyldyǵyna arnalǵan bas­ty qu­­jat bolyp tarıhqa endi. Eldiń eńsesin kóterýdi, Qazaq memle­­ke­tiniń ár azamatyn qor­ǵaý­dy basty baǵ­dar etip alǵan eldiń bolashaǵy qashanda jar­qyn bolmaq. Táýelsiz Qazaqstan jasaı ber­­sin deı otyryp, Qazaqstan hal­­­qy­na, ár otbasyna berekeli ǵu­myr, jarqyn bolashaq tilegim keledi. Elimiz aman, jurtymyz tynysh bolsyn! Tımýr QYRYQBAEV, «Nur Otan» HDP múshesi. Astana.