«Birjan – Sara» – qazaq opera óneriniń tóltýma jaýhary. Qoıylymǵa barynsha naqtylyq berip, qazaq jeriniń baı tabıǵatyn kórsetý úshin spektakldi sulý ólke Býrabaıda qoıýǵa sheshim qabyldandy.
Qoıylym tobynyń búgingi tańdaǵy biregeı sheshimderi men spektakldiń ssenografııalyq aıshyqtaryn qosa alǵandaǵy barsha dramatýrgııa tolyqtaı saqtalady. Degenmen, teatrdyń qyr-syry jaǵdaıǵa baılanysty bolmaq, qoıylymdardy ashyq aspan astynda ótkizý tájirıbesi jańa múmkindikterge jol ashpaq: partıtýrada jazylǵandaı, Birjan óz arııasyn alystan shyrqaıdy, ormannyń akýstıkasy ánge erekshe aıqyn reńk beredi, tipti tabıǵattyń ózi dekorasııanyń bir bóligi ispettes. Bul kórermenderimizdiń teatr sahnasynda burqyrap aǵyp, barshany tamsandyrǵan sarqyramany ne bolmasa kózdiń jaýyn alar jármeńkeni kóre almaıdy degen sóz emes, bári de bolady! Biraq, eń bastysy – keremet mýzyka, solısterdiń tamasha daýystary men orkestrdiń úılesimdi dybystalýy tyńdarmanǵa umytylmas erekshe áser syılamaq.
Spektakldiń tujyrymdamasy barlyq keıipkerler beıneleriniń birjaqty baıandalýynyń joqtyǵymen sıpattalady. Kórermen qaýymǵa Birjan men Saranyń bul dúnıede oryn alýy jazbaǵan mahabbat oqıǵasy usynylady. Dástúr boıynsha, opera basty qaharmannyń qazasymen aıaqtalady, alaıda qoıýshylar úmit otyn sóndirmeıdi, ıaǵnı qurbandyqqa shalynǵan mahabbattyń beker bolmaǵanyn kórermenniń túsingenin qalaıdy. Birjan men Saranyń oqıǵasy myńdaǵan urpaqtyń birigýine múmkindik berip, halyqtyń jadynda mahabbattyń uly qudireti jaıly estelik bolyp máńgilikke qalmaq.
Basty partııalardy oryndaýshylar: Birjan – kóptegen halyqaralyq baıqaýlardyń laýreaty Meıir Baınesh, Sara – Qazaqstannyń eńbek sińirgen ártisi, memlekettik syılyqtyń laýreaty Maıra Muhamedqyzy, Janbota – Qazaqstannyń eńbek sińirgen qaıratkeri Janat Shybyqbaev, Analyq – Qazaqstannyń eńbek sińirgen qaıratkeri Dına Hamzına, Altynaı – Qazaqstannyń eńbek sińirgen qaıratkeri Saltanat Ahmetova, Jıenqul – kóptegen halyqaralyq baıqaýlardyń laýreaty Talǵat Ǵaleev, Qojaǵul – Shyńǵys Rasylhan, Serik – Ramzat Balakıshıev, Estaı – Beıimbet Tańaryqov.
Qoıýshy dırıjer – Qazaqstannyń eńbek sińirgen qaıratkeri A.Muhıtdınov, qoıýshy rejısser – PhD doktory, Qazaqstannyń eńbek sińirgen qaıratkeri A.Maemırov, keńesshi rejısser – Belarýs Úlken teatrynyń bas rejısseri, G.Týkaı atyndaǵy Tatarstan Respýblıkasy Memlekettik syılyǵynyń laýreaty M.Pandjavıdze, rejısser – N.Kagadıı, baletmeısterler – Qazaqstannyń eńbek sińirgen qaıratkeri A.Tátı, M.Avahrı, qoıýshy rejısserdiń assıstenti – E.Toıkenov. Qoıýshy sýretshiler men ssenograftar – S.Tamsaǵambetova men P.Dragýnov. Bas hormeıster – Qazaqstannyń eńbek sińirgen qaıratkeri E.Dáýitov.
