«Meniń Otanym Qazaqstan» jobasy aıasyndaǵy úsh kúndik ekskýrsııa Almaty jáne Astana qalalarynda ótedi. Uıymdastyrýshylar - Atyraý oblystyq kásipkerlik jáne ındýstrıalyq-ınnovasııalyq damý basqarmasy.
Ekskýrsııa az qamtylǵan otbasylardyń balalary jáne oblystaǵy úzdik oqýshylarǵa arnalǵan. Úsh kúndik demalysty jergilikti bıýdjet qarjylandyrady.
- Jalpy sany 250 oqýshy shilde-tamyz aılary aralyǵynda elimizdiń iri qalalarynda jazǵy demalysyn ótkizedi. Astanadaǵy 3 kúnde balalar tarıxı-mádenı oryndarmen, EKSPO kórmesimen, kitapxana, murajaılarmen tanysady,-deıdi oblystyq kásipkerlik jáne ındýstrıaldy-ınnovasııalyq damý basqarmasynyń týrızmdi damytý bóliminiń bas mamany Almas Kýpjanov.
Balalardyń qaýipsizdigi úshin jetekshi ustazdar men medısına mamandary birge barady.
Aıta ketý kerek, Atyraý oblysynda oqýshylardyń jazǵy demalysyn tıimdi ótkizý úshin barlyq jaǵdaı jasalýda. Aǵymdaǵy jyldyń 16-maýsymynda jetim jáne ata-anasynyń qamqorlyǵynsyz qalǵan 40 bala Italııanyń Chezenatıko qalasynda ornalasqan jazǵy demalys ornyna baryp, 2 apta demalyp qaıtqan bolatyn.
