Zańnyń negizgi jańalyqtarynyń biri — jyl basynda Prezıdenttiń Qazaqstan halqyna Joldaýynda jarııalanǵan, 18 jastan asqan, bala kezinen I toptaǵy múmkindigi shekteýli jandardy baǵyp otyrǵan ata-analar úshin qosymsha memlekettik járdemaqyny engizý jónindegi normalardy zańnamalyq bekitý.
«Bizde ótinimderdi jınaý boıynsha aldyn ala jumys júrgizildi, búginde 10 myń otbasy atalǵan tólemderdi alyp jatyr. Sebebi 24 shildede tólemder jabyldy, tıisinshe 10 myń otbasy atalǵan járdemaqy túrin aldy», — dedi S. Jaqypova.
Bul járdemaqyny alýǵa shamamen 14 myń otbasy úmitker. Járdemaqy kólemi kúnkóris deńgeıiniń eń tómengi 1,05 mólsherin quraıdy. Bul járdemaqy ótinish bergen kúninen bastap bala kezinen I toptaǵy múgedektiktiń barlyq kezeńine taǵaıyndalady.
Sondaı-aq, vıse-mınıstr bala kezinen bastap bir otbasynda I toptaǵy eki nemese odan da kóp múgedek adam bolsa, onda járdemaqy olardyń árqaısysynyń kútimine taǵaıyndalady jáne tólenedi. Eger bala kezinen I toptaǵy múgedekke kútimdi birneshe adam júzege asyrǵan jaǵdaıda, járdemaqy osy adamdardyń bireýine taǵaıyndalady jáne tólenedi.
«Bul otbasynyń tańdaýy. Járdemaqyny úıde otyryp, jumys istemeıtin jáne múmkindigi shekteýli balaǵa kútim jasaıtyn anasy alýy múmkin. Nemese anasy jumys isteı alady, biraq ol jeke kómekshiniń qyzmetterin ala alady. Iаǵnı, bul jeke kómekshi úshin qarjy beretin basqa baǵdarlamalar», — dep túsindirdi S. Jaqypova.
Budan ózge, bala kezinen I toptaǵy múgedek nemese onyń zańdy ókili oǵan kútimdi júzege asyratyn adamdy aýystyrý týraly ótinishpen bir jyl ishinde eki retten asyrmaı júginýge quqyly.
Búgingi tańda járdemaqyǵa úmitker, júginbegen qalǵan 4 myń adammen jumystar júrgizilip jatyr.
Sonymen qatar, S. Jaqypova járdemaqyny taǵaıyndaý kezinde jıi kezigetin problemalardy atap ótti.
«Keıbir otbasylar qamqorshylyqty resmı tirkemegen. Múmkindigi shekteýli adam osy quqyqtyq qatynastarda áreket etýge qabiletsiz dep tanylýǵa tıis jəne sáıkesinshe ony barlyq memlekettik organdarda tanystyratyn qamqorshysy anyqtalady, sodan keıin ǵana járdemaqy taǵaıyndalady. Qazirgi tańda otbasylardyń bir bóligi qamqorshylyq soty arqyly tirkelip jatyr jáne tıisinshe kelesi aıdan bastap olarǵa járdemaqy berýdi bastaımyz», — dedi vıse-mınıstr.
Eske sala keteıik, bıyl 2 shildede Memleket basshysy «QR keıbir zańnamalyq aktilerine áleýmettik qamsyzdandyrý máseleleri boıynsha ózgerister men tolyqtyrýlar engizý týraly» QR Zańyna qol qoıdy.
