Nursultan NAZARBAEV:
Ulttyq múddelerdi qamtamasyz etýge, eldiń halyqaralyq bedelin arttyryp, ulttyq, óńirlik jáne jahandyq qaýipsizdikti nyǵaıtýǵa baǵyttalǵan belsendi, pragmatıkalyq jáne teńdestirilgen syrtqy saıasat júrgiziletin bolady.
(Qazaqstan halqyna Joldaýynan).
Memleket basshysy Nursultan Nazarbaev Máskeýge jumys sapary barysynda Reseı Federasııasynyń Prezıdenti Dmıtrıı Medvedevpen jáne Reseı Úkimetiniń Tóraǵasy Vladımır Pýtınmen kezdesýler ótkizdi. Reseılik áriptesimen Zavıdovadaǵy, qala syrtyndaǵy rezıdensııada bolǵan áńgime kezinde ekonomıkalyq yntymaqtastyqty damytýǵa qatysty eki jaqty qarym-qatynas máseleleri, sondaı-aq halyqaralyq kún tártibindegi ózekti máseleler talqylandy. Solardyń arasynda Jeńistiń aldaǵy 65 jyldyǵy taqyryby da sóz boldy. Nursultan Nazarbaev Máskeýge 9 Mamyrdy merekeleýge qatysýǵa shaqyrýy úshin Dmıtrıı Medvedevke alǵys aıtty. Ol Ekinshi jahandyq soǵystyń qorytyndylaryn eshqandaı da tarıhı qaıta qaraý bolmaýǵa tıis dep málimdedi. Nursultan Ábishuly Reseı Prezıdentimen osy jolǵy kezdesý sekildi beıresmı baılanys keıde resmı kezdesýden mańyzdyraq ekenin atap ótti. Dmıtrıı Medvedev óz kezeginde EQYU Sammıtin bıylǵy jyly Qazaqstanda ótkizý týraly Nursultan Nazarbaevtyń bastamasyna qoldaý bildirdi. – Qazaqstanǵa Uıymǵa tabysty tóraǵalyq tilegim keledi. Bul kóp qajyr-qaıratty talap etetin aıtarlyqtaı eleýli jumys. Biz sizdiń respýblıkaǵa barynsha kómektesýge ázirmiz jáne birlesken bastamalardy iske asyrýǵa daıynbyz. Alda biz óńirlik qaýipsizdik máselelerin talqylaıtyn birqatar forýmdar bar. О́tken jyly bolǵan synaqtar, ókinishke oraı, áli saqtalyp otyr. Men qylmysty da, esirtkini de, Aýǵanstan jáne Pákstan problemalaryn qosa alǵanda ishki óńirlik sıpaty bar birqatar problemalardy da aıtyp otyrmyn. Tutastaı alǵanda, barlyq osy máseleler boıynsha bizde dostyq únqatysý júrip jatyr, – dep atap ótti Reseı kóshbasshysy. Sonymen qatar Zavıdovodaǵy kezdesýde ekonomıkalyq yntymaqtastyq máseleleri de talqylandy. Reseı Prezıdentiniń sózine qaraǵanda, ekonomıkalyq ta, gýmanıtarlyq ta salalarda eki jaqty ózara yqpaldastyq joldaryn belgileý qajet. Atap aıtqanda, birqatar ekonomıkalyq úderisterdi jandandyrý týraly oılasý, bıznestiń damýyna kómektesý qajet, dep sanaıdy Dmıtrıı Medvedev. Nursultan Nazarbaev óz kezeginde Qazaqstan bıylǵy jylǵa úlken úmitpen qaraıtynyn jetkizdi. Alda bolatyn EýrAzEQ memleketteriniń basshylary deńgeıindegi kezdesý týraly aıta kelip, Qazaqstan kóshbasshysy bizdiń taraptyń ony ótkizý merzimi jónindegi usynysty muqııat qaraýǵa ázir ekenin bildirdi. EQYU Sammıtine qatysty Qazaqstan Prezıdenti bul forým osy zamanǵy qaýipsizdiktiń de, ekonomıkanyń da, adamdyq ólshemderdiń de jaı-kúıin baǵalaý úshin de bolýǵa tıis ekenin atap kórsetti. Máskeýde bolǵan kezinde Nursultan Nazarbaev Novo-Ogarevo rezıdensııasynda Reseı Premeri Vladımır Pýtınmen de kezdesti. Taraptar memleketaralyq ekonomıkalyq yntymaqtastyqty damytý, áleýmettik damý jáne Qazaqstannyń, Reseı men Belarýstiń Keden odaǵy qyzmetiniń máselelerin talqylady. – Biz búgin Vıktor Fedorovıch Iаnýkovıchti prezıdenttik saılaýdaǵy jeńisimen quttyqtaýymyzǵa bolady dep oılaımyn. Muny búgin OSK resmı túrde jarııalapty. Kelińiz, telefon soǵyp, ony quttyqtaıyq, – dedi Vladımır Pýtın. Memleketimizdiń basshysy Vıktor Iаnýkovıchpen telefon arqyly sóıleskende bizdiń elderimizdiń arasyndaǵy dástúrli dostyq qarym-qatynas pen jemisti yntymaqtastyq aldaǵy kezde de Qazaqstan men Ýkraına halyqtarynyń ıgiligi úshin belsendi damı beretinine senim bildirdi. Reseı Úkimetiniń Tóraǵasy Qazaqstan basshysymen áńgime barysynda postkeńestik keńistikte Ýkraınanyń qatysýymen ıntegrasııa úderisiniń jedeldeıtinine úmit artatynyn atap ótti. О́z kezeginde Nursultan Nazarbaev birtutas ekonomıkalyq keńistik qurý ıdeıasynyń áý basta naq osy Novo-Ogarevoda 2004 jyly Reseı, Qazaqstan, Belarýs jáne Ýkraına kóshbasshylarynyń qatysýymen talqylanǵanyn eske saldy. Sol kezde tipti tıisti memorandýmǵa qol qoıylǵan bolatyn. Memleketimizdiń basshysy postkeńestik keńistiktegi ıntegrasııa bastamalaryna barynsha qoldaý bildiretinin atap kórsetti. Qazaqstannyń EQYU-ǵa tóraǵalyǵy máselelerin sóz etken Vladımır Pýtın Uıym bıylǵy jyly eýropalyq qaýipsizdik máselelerin sheshýdiń ámbebap alańyna aınalatynyna senim artatynyn atap kórsetti. – Biz Qazaqstan tóraǵalyǵymen EQYU shyn máninde óziniń ámbebap sıpatyna ıe bolyp, ol qurylǵan kezde maqsat etken máselelermen aınalysady degen senimdemiz. Bul qaýipsizdik máselelerin talqylaý jáne, álbette, postkeńestik keńistikte ǵana emes, sonymen birge búkil kontınentte demokratııany nyǵaıtý jónindegi jaqsy alań bolady, – dep qorytty oıyn Reseı Premeri. Sýretter Reseı Federasııasy Prezıdentiniń baspasóz qyzmetinen jáne Reseı Úkimetiniń saıtynan alyndy.
