Atalǵan baıqaý 2003 jyldan bastap jyl saıyn ótkizilip turady. Bul BAQ nazaryn elektr energetıkasy salasynyń damýyna, jaǵymdy ózgeristerge, elimizdiń elektr energetıkasynda bolyp jatqan oqıǵalarǵa, sondaı-aq kompanııanyń qazirgi jáne keleshektegi ınvestısııalyq jobalaryna aqparattyq qoldaý kórsetý máselelerine aýdarýǵa baǵyttalǵan. Baıqaýǵa qatysý úshin otandyq baspasóz, elektrondy jáne Internet-BAQ-ta 2018 jylǵy 1 qańtardan 10 jeltoqsanǵa deıingi aralyqta jaryq kórgen materıaldar qabyldanady.
Úmitkerler 2018 jyldyń 10 jeltoqsanyna deıin ótinim formasyn toltyryp, óz jumystaryn (jarııalanǵan materıaldyń kóshirme nusqasyn jáne/nemese materıaldyń aýdıo-vıdeo jazbasyn) karpishev@kegoc.kz, bayazitova@kegoc.kz elektrondy meken-jaıyna, sondaı-aq 010000, Astana qalasy, Almaty aýdany, Táýelsizdik dańǵyly, 59, «KEGOC» AQ Memlekettik qurylymdarmen ózara árekettestik jáne kommýnıkasııalar departamentiniń meken-jaıyna «BAQ baıqaýyna ótinim» degen belgimen baspasóz jáne elektrondy nusqasyn jibere alady.
Baıqaý biliktilik talaptarynsyz bir kezeńde ótkiziledi. Baıqaý komıssııasy tirkelgen qatysýshylardyń arasynan 10 atalym boıynsha jeńimpazdardy anyqtaıdy. Shyǵarmashylyq jumystar kásibı sheberlik, materıaldyń ózektiligi, janr sáıkestigi, buqaraǵa qoljetimdiligi jáne baıandalýy uǵynyqty bolý krıterııleri boıynsha baǵalanady. Baıqaýdyń qorytyndylary 2018 jylǵy 31 jeltoqsanǵa deıin shyǵarylady.
Astana qalasy boıynsha anyqtama telefondary: +7 (7172) 690-161, +7 (7172) 690-415.
