Elshi Mozer Qazaqstanmen jaqsy tanys. Buǵan deıin ol AQSh-tyń Almatydaǵy dıplomatııalyq mıssııasynda energetıka jáne ekonomıka máseleleri jónindegi attashe retinde jumys istegen. Mozer dıplomatııalyq qyzmettegi karerasyn 1984 jyly bastaǵan. AQSh-tyń Ýkraınadaǵy, Qazaqstandaǵy, Egıpettegi, Sýrınamdaǵy, Malıdegi jáne Moldovadaǵy elshilikterinde qyzmet atqarǵan. Sońǵy jyldary Mozer memlekettik departament basqarmasy bastyǵynyń birinshi orynbasary laýazymynda AQSh-tyń búkil álemdegi dıplomatııalyq ókildikteri ǵımarattaryn salý jáne paıdalaný jónindegi jumystardy istegen. Amerıkalyq dıplomat Soltústik Karolına shtatynda týǵan, jergilikti ýnıversıtette bilim alǵan. Ol orys, nemis, fransýz tilderin biledi.
Elshi kandıdatýrasy usynylǵan soń ony AQSh Senaty bekitýi qajet.
Qazirgi kezde Qazaqstandaǵy Amerıka Qurama Shtattarynyń Elshisi qyzmetin Djordj A. Krol atqarýda. Djordj Krol bul laýazymǵa 2015 jyly 8 qańtarda taǵaıyndalǵan bolatyn.
