1930 jyldyń 15 tamyzynda Ońtústik Qazaqstan oblysy Otyrar aýdany Sháýildir aýylynda ata-anasynyń zaryǵa kútken perzenti dúnıege keldi. Ákesi Qaldaıaq (shyn aty - Ánápııa) ul týsa Jámshıd patshanyń atyn qoıam dep júrgende tús kóredi. Túsinde ulynyń aıdyn kólde aqqý qus bolyp júzip júrgenin kórip, jaqsyǵa jorıdy.
Onyń 300-den astam sazdy áýenderi birneshe býyndy sýsyndatyp keledi. Ol Saryaǵashtaǵy Qapylanbek maldárigerlik tehnıkýmynda, Tashkenttegi mýzyka ýchılıshesinde jáne Almaty memlekettik konservatorııasynda bilim alǵan. Shámshi 1950 jyldan bastap shyǵarmashylyqpen shuǵyldana bastady. Onyń yrǵaqty ánderi júrekke jyly qabyldanyp, jurtshylyqtyń súıispenshiligine bólendi. Shámshi shyǵarmalarynyń basty taqyryby - elge, Otanǵa, ata-anaǵa, jarǵa, dos-jaranǵa degen súıispenshilikten týdy.
