Bastamasynda halyqaralyq tájirıbeni basshylyqqa alǵan sportshy uzaq qashyqtyqtardy baǵyndyrýdy óziniń basty ustanymy sanaıdy. «7 kún ishinde Ironman formatynyń jartysy 7 dıstansııasyn jasaýǵa ýáde beremin (júzý – 1,9, velojarys – 90, júgirý – 21,1 shaqyrym). Bul sporttyq baǵdarlamany oryndaýǵa jarty kúnimdi arnaımyn. Al bizder balalardy mektepke jumyla birge daıyndaımyz degen senimdemin» degen oıymen bólisken S.Levadnıı múgedek balalardyń jaqsy oqýy úshin mektepte de, úıde de jaǵdaı jasalýy kerektigin aıtady.
Sportshy óziniń qaıyrymdylyq bastamasymen múmkindikteri shekteýli balalardyń jaǵdaıyna qalyń kópshiliktiń nazaryn aýdarýdy maqsat etedi.
– 7 kún ishinde Ironman formatynyń jartysy 7 dıstansııasyn oryndaý – asa kúrdeli meje. Buǵan kez kelgen sportshy bara bermeıdi. Biraq men Sergeıdi jigerli, rýhy myqty trıatlet retinde jaqsy bilemin. Fızıkalyq daıyndyǵy óte jaqsy, sondyqtan da, onyń qolynan bul is keledi dep senemin!, – degen pikirde belgili qazaqstandyq Ironman, trıatlonshy ári bapker Maksım Mazýr.
«Speshıal Olımpıks» QB fılıalynyń dırektory Galına Ilınanyń aıtýynsha, Sergeıdiń bastamasyna qoldaý bildire otyryp, kómekke muqtaj balalardyń tizimi jasalǵan. Búginde múgedektik járdemaqyny kóptegen ata-ana naýqas balasynyń kútimi men basqa da asa qajetti buıymdaryna jetkize almaıtyny anyq. Sondyqtan da tizim jasalyp, balalarǵa qandaı mektep buıymdary qajettigi anyqtalǵan. 29 tamyzda qaıyrymdylyq maqsatta jınalǵan qajetti buıymdar balalarǵa úlestiriletin bolady. Sergeı Levadnıı ótken jyly 48 balaǵa osyndaı kómek jasaǵan.
Akademık Sh. Esenov atyndaǵy ǵylymı-bilim berý qorynyń Komanda SOS eriktilerdi úılestirý ortalyǵy Sergeıdi sporttyq kıimdermen qamtyp, uıymdastyrýǵa qoldaý kórsetse, Almaty Trıatlon federasııasy (ATF) aksııaǵa tehnıkalyq jaǵynan qoldaý kórsetip, tóreshilik baqylaý júrgizedi.
Uıymdastyrýshylar balalar ómirine beı-jaı qaramaıtyn qalanyń kez kelgen turǵyny nemese qonaǵy mektepke daıyndaý sharasyna belsene atsalysady degen senimde. Almaty qalasynda tómendegi telefon arqyly Komanda SOS qyzmetkerlerimen baılanysýǵa bolady: +7 727 346 92 88.
Elvıra Serikqyzy,
«Egemen qazaqstan»
ALMATY
