Alqaly bas qosýda osy kezeńde atqarylǵan sharalarǵa taldaý jasalyp, sheshimin tappaı júrgen tolǵaqty máseleler talqylandy.
«Elimizde 200-ge jýyq qoǵamdyq keńes bolsa, 15-i bizdiń óńirde jumys isteıdi. Olar aralaspaıtyn sala kemde kem. Jergilikti bıýdjetti bekitýge,oryndalýyna, jurtshylyqtyń aryz-shaǵymdarynda aıtylǵan problemalardyń sheshilýine belsene atsalysady.Turǵyndardyń áleýmettik jaǵdaıy árkez basty nazarymyzda. Jurtshylyqty jol qatynasy, aýyz sý jaǵdaıy kóbirek tolǵandyrady. Osyǵan oraı keńes músheleri jóndeý jumystarynyń sapasyn qadaǵalaıtyn jańa júıeni engizý týraly usynys engizdi. Esil aýdanynyń Pokrovka-Ilınka baǵytyndaǵy tas joldy qalpyna keltirýge 120 mıllıon teńge bólingenimen, sapa jaıy qanaǵattandyrmaıdy», deıdi qoǵamdyq keńestiń tóraǵasy Qaıyrly Ediresov.
Bıyldan bastap «Qoǵamdyq baqylaý kartasy» engizilip, 50-den astam adam onyń qyzmetine júgingen. Jurtshylyqtyń saýaldary, habarlamalary jáne monıtorıngtik taldaýlar boıynsha memlekettik baǵdarlamalardyń oryndalýy, qarjynyń maqsatty jumsalýy qadaǵalanady. Aýyldyq okrýgterde senim telefonondary ornatylǵan.
Aqjar aýdandyq qoǵamdyq keńestiń tóraǵasy Bektursyn Qaseıinovtyń aıtýynsha aýdan Reseımen shekaralas aımaqta ornalasqan. Keńes kezinde tartylǵan jol áli jóndeý kórmegen. Aýyz sý júıesi jeke menshiktiń ıeliginde bolǵandaqtan, tirshilik nárin bosatý grafıgi saqtala bermeıdi.
О́mir ESQALI,
«Egemen Qazaqstan»
Soltústik Qazaqstan oblysy
