Oqys oqıǵa jergilikti ýaqytpen 29 tamyz kúni saǵat 4:30 shamasynda Hýrgada-Kaır tas jolynda bolǵan. Jol-kólik oqıǵasy saldarynan ártúrli dene jaraqatymen eki Qazaqstan azamaty jaqynda ornalasqan «Ras-Garıb» eldi mekeniniń aýrýhanasyna jetkizilgen. Ol jerde Qazaqstan azamattaryna medısınalyq kómek kórsetilgen.
«Qazirgi ýaqytta Qazaqstan konsýlynyń kúsh salýymen tolyqqandy medısınalyq kómek kórsetip, qosymsha dıagnostıkalyq prosedýralardy júrgizý úshin QR-nyń atalǵan eki azamaty jedel járdem kóligimen Hýrgada qalasyndaǵy «Ál-Mysrı» aýrýhanasyna jetkiziletin bolady», - delingen habarlamada.
Avtobýstaǵy qalǵan basqa jolaýshylardyń jaǵdaıy qanaǵattanarlyq. Hýrgadaǵa jetkizilgen olarǵa jergilikti aýrýhanada medısınalyq kómek kórsetilennen keıin qonaq úılerine qaıtyp, demalystaryn jalǵastyrýda.
«Jaǵdaı Mysyrdaǵy Qazaqstan elshiliginiń baqylaýynda», - dep habarlady QR SIM baspasóz qyzmeti.
