Qurmetti qazaqstandyqtar!
Qazaqstan halqy Assambleıasy sizderdi memlekettik mereke – Qazaqstan Respýblıkasy Konstıtýsııasynyń kúnimen shyn yqylaspen quttyqtaıdy!
1995 jylǵy 30 tamyzda jalpyhalyqtyq referendýmda elimizdiń qoldanystaǵy Konstıtýsııasy qabyldandy. Ol adam ómirin, onyń quqyqtary men bostandyqtaryn eń joǵary qundylyqtar dep aıqyndap, el damýynyń negizin qalady. Áleýmettik baǵdarlanǵan ekonomıka, ıdeologııalyq jáne saıası áralýandyq, barshanyń zań aldyndaǵy teńdigi Qazaqstannyń quqyqtyq damýynyń basymdyqtary bolyp tabylady.
Eldiń Ata Zańynda Qazaqstan Respýblıkasynyń Tuńǵysh Prezıdenti – Elbasy N.Á.Nazarbaevtyń qoǵamdyq kelisim men jalpyulttyq birliktiń qazaqstandyq modeli tabyspen júzege asyrylǵan.
Táýelsizdik jyldary Qazaqstan qýatty memleketke aınaldy. Bizdiń barlyq tabystarymyz ben jetistikterimiz – túrli etnostar men konfessııalardyń ókilderin birtutas halyq, birtutas ult etip biriktirgen dáıekti saıasattyń jemisi.
Qymbatty otandastar!
Búginde Konstıtýsııa Qazaqstandy álemniń ozyq damyǵan 30 eliniń qataryna jetkizý jolyndaǵy jańǵyrtýdy, demokratııalyq ınstıtýttardy nyǵaıtýdy, azamattardyń ál-aýqatyn arttyrý men qoǵamdy jumyldyrý prosesin odan ári iske asyrýdyń qýatty faktory bolyp tabylady.
Osynaý merekeli kúni barsha qazaqstandyqtarǵa beıbit kún, ıgi tabystar men berekeli birlik tileımiz! Ár shańyraqta tatýlyq, kelisim men ózara túsinistik ornap, bul mereke árdaıym boıymyzǵa kúsh-qýat, alǵa qoıǵan maqsattarǵa qol jetkizýde kóńilimizge senim bersin!
Qazaqstan halqy Assambleıasynyń Keńesi
