Atalǵan mınıstrlik kezdesýler Túrki keńesi basshylary otyrystarynyń mazmundyq jáne uıymdastyrýshylyq suraqtaryn, sondaı-aq olarmen qabyldanatyn sheshimderdi talqylaý maqsatynda jyl saıyn ótkiziledi. Kezdesý barysynda mınıstrler Basshylar keńesi otyrysynyń kún tártibi men kol qoıýǵa josparlanǵan qujattardyń jobalaryn maquldady.
Bishkektegi kezdesýdiń qorytyndysy boıynsha 2012 jyly Qazaqstan jáne Ázerbaıjan prezıdentteriniń bastamalarymen qurylǵan Túrki akademııasy men Túrki mádenıeti jáne murasy qoryna qatysty birqatar kelisimderge jáne qujattarǵa qol qoıyldy. Atalǵan qujattar jańa túrki ınstıtýttardyń uıymdastyrýshylyq jáne qarjylyq qyzmetin retteı otyryp, Túrki álemi memleketteri men halyqtarynyń ıgiligi úshin olardyń tabysty qyzmetine odan ári zor yqpalyn tıgizedi.
Túrki keńesine múshe memleketterdiń Syrtqy ister mınıstrleriniń arnaıy sheshimimen Majarstan Túrki akademııasy janynda baqylaýshy mártebesine ıe boldy.
Túrkitildes memleketterdiń yntymaqtastyǵy keńesi 2009 jyly Qazaqstan Respýblıkasy Prezıdentiniń bastamasymen Nahchyvan qalasynda (Ázerbaıjan) quryldy. Qazirgi ýaqytta Keńestiń quramyna Ázerbaıjan, Qazaqstan, Qyrǵyzstan jáne Túrkııa kiredi. Túrki keńesiniń Bas hatshylyǵy Ystanbul qalasynda (Túrkııa) ornalasqan.
