О́timdilikti berý men alý operasııalary boıynsha mólsherlemeler tıisinshe 10% jáne 8% deńgeılerde saqtaldy. Bul týraly búgin Qazaqstan Ulttyq Bankiniń Tóraǵasy Danııar Aqyshev Almaty qalasynda ótken televızııalyq BAQ ókilderine arnalǵan brıfıngide sóz sóılegen kezde habarlady. Ol resmı qaıta qarjylandyrý mólsherlemesiniń de bazalyq mólsherleme – 9 % deńgeıinde saqtalǵanyn atap ótti. «Jańartylǵan boljamdarǵa sáıkes, biz ınflıasııanyń tómendeý qarqyndarynyń baıaýlaý táýekelderin kórip otyrmyz, ıaǵnı ınflıasııa baıaýlaıdy, biraq biz buryn baǵalaǵannnan góri baıaý. Aǵymdaǵy jyly óziniń qalpyna kelýin jalǵastyratyn ishki suranys jáne tutastaı alǵanda álemdik ekonomıka kórsetkishteriniń tarapynan proınflıasııalyq qysym kúsheıýde», - dedi D. Aqyshev.
Osylaısha, Qazaqstan Ulttyq Banki basshysynyń aıtýynsha, ınflıasııanyń 2019 jyly 4-6%-dyq boljamdy dálizdiń joǵary shegine jaqyn bolýy jáne 2020 jyldyń sońynda 4%-dan tómen dálizden asyp ketý táýekelderi ulǵaıýda. Bazalyq mólsherleme boıynsha kezekti sheshim 2018 jylǵy 15 qazanda Astana ýaqyty boıynsha saǵat 17:00 jarııalanatyn bolady.
