Atalǵan kınotýyndy bir-birine múldem uqsamaıtyn, alaıda taǵdyrlary kezdeısoq toǵystyrǵan jasóspirimder týraly baıandaıdy. Otbasy jylýy men jaqyndarynyń qoldaýynan aıyrylǵan, tipti qoǵammen de til tabysa almaı júrgen olar bastaryn qaýipke tigedi.
«Osyndaı mádenı is-sharalar shyǵarmashylyǵyńdy arttyrýǵa, jalpy elimizdegi kıno óndirisin damýtyǵa septigin tıgizedi. «Kınoshok» syndy halyqaralyq deńgeıdegi festıvalder barysynda túrli elden jınalatyn kınogerler bir-birimen tanysýǵa, óz jumystaryn kórsetýge, tájirıbıe almasýǵa, sondaı-aq birlesip jumys jasaýǵa keń múmkindik alady. Osyndaı baıqaýlardyń arqasynda jańa esimder de paıda bolady. Eń bastysy, festıval qatysýshylary túrli elden kelse de, bir-birin ońaı túsinedi. О́ıtken olardyń tili ortaq, ol – kıno tili», - dedi jas rejısser Aldııar Baırakımov.
«Na granı» fılminiń «Kınoshok» festıvaline qatysýy týraly baıqaýdyń uıymdastyrýshylary «bul kartına irikteý komıssııasynyń sheshimi boıynsha Qazaqstan kıno óndirisin tanystyra alatyn úzdik fılmderdiń biri», dep oı bólisti.
1992 jyly ashylyp, burynǵy odaqtas respýblıkalardyń kınogerlerin basyn qosyp, mádenı baılanystardyń nyǵaıýyna baǵyttalǵan «Kınoshok» ashyq kınofestıvali 20 jyl kóleminde kórermenderdi Lıtva, Latvııa, Estonııa jáne TMD elderiniń kınolarymen tanystyryp keledi. Festıval sheńberinde tolyqmetrajdy jáne qysqametrajdy kórkem fılmder, derekti, televızııalyq jáne balalarǵa arnalǵan fılmder kórsetiledi. Tolyqmetrajdy jáne qysqametrajdy, sondaı-aq derekti fılmderdi kásibı qazylar alqasy baǵalaıdy.
Televızııalyq fılmderdiń úzdigin kórermender, al balalarǵa arnalǵan fılmder baıqaýynda («Kınomalyshok») jasóspirimderden quralǵan qazylar alqasy jeńimpazdardy anyqtaıtyn bolady. Jalpy festıval barysynda 70-ke jýyq fılmder kórsetiledi.
