Elektrondy pasporttar medısınalyq aqparattyq júıeler uıashyqtary túrinde bolady, munda qandaı da bir emhanaǵa bekitilgen árbir azamattyń derekteri saqtalady.
«Búginde barlyq 17 óńir boıynsha, onyń ishinde emhanalarda qaǵazsyz qujat júrgizýge kóshý jumystary júrip jatyr. Medısınalyq uıymdardyń 97%-ynda aqparattyq júıeler ornatylǵan jáne birtindep elektrondy pasporttar qalyptastyrylýda», — dedi densaýlyq saqtaý mınıstri.
E. Birtanovtyń aıtýynsha, búgingi tańda 11 mln derbes jazba saqtalǵan.
«Qazan aıynda biz ortalyq platformany, ıaǵnı Densaýlyq saqtaý mınıstrliginiń ortalyq serverin iske qosýdy josparlap otyrmyz, onda barlyq pasporttar aýdarylady jáne kóshiriledi. Osylaısha, derekter biryńǵaı saqtalyp otyrady jáne adam basqa aımaqqa kóship ketse de, týǵan kezinen bastap darlyq derekter, medısınalyq kómekke júgingeni, jedel járdem shaqyrǵany, emhanalarda tekserilýi saqtalyp, barlyǵy bir elektrondy pasportpen júrgiziledi. Bul – densaýlyq jaǵdaıynyń ómir boıy saqtalatyn tarıhy deýge de bolady», — dep túsindirdi E. Birtanov.
Mınıstr atap ótkendeı, 2020 jylǵa qaraı Qazaqstannyń barlyq azamattaryn júz paıyz qamtý josparlanýda, ıaǵnı el halqynyń barlyǵynda osyndaı jazba bolady.
«Budan ózge, biz bul derekterdiń qaýipsizdigine jaýapkershilikti jáne azamattardyń medısına qyzmetkerlerine aqparatty berý quqyqtaryn zańnamalyq túrde belgileımiz», — dedi ol.
О́z kezeginde Astana qalasynyń densaýlyq saqtaý basqarmasynyń basshysy Q. Nadyrov búgingi tańda 1,65 mln-nan astam adam qala emhanalaryna tirkelgenin, onyń 93%-ynda elektrondy densaýlyq pasporty bar ekenin aıtyp ótti.
«Densaýlyq saqtaý júıesinde sıfrlandyrý aıasynda aýqymdy jumystar júrgizilip jatyr. Qalanyń barlyq medısına uıymdary 100% aqparattyq júıelermen, kompıýterlermen jabdyqtalǵan. 80 myńnan astam medısınalyq qujattar sıfrlandyryldy, ıaǵnı bastalǵan densaýlyq pasporttary kún saıyn jańartylyp otyrady, osylaısha medısınalyq qyzmetterdiń sapasyn jaqsartýǵa kómektesedi», — dedi Q. Nadyrov.
