Hattamaǵa 2017 jylǵy 9 qarashada Chelıabınsk qalasynda memleketter basshylarynyń qatysýymen ótken Qazaqstan men Reseıdiń О́ńiraralyq yntymaqtastyǵynyń HIV forýmynyń barysynda qol qoıylǵan bolatyn.
Qazirgi kezde qoldanystaǵy kelisim aıasynda qazaqstandyq azamattarǵa, Baıqońyr qalasynyń 48 myńnan astam turǵynyna medısınalyq kómekti Reseı Federasııasynyń zańnamasyna sáıkes reseılik medısınalyq uıymdar ǵana kórsetedi.
Qazaqstanda kórsetiletin medısınalyq kómekten aıtarlyqtaı ózgeshelikter bolýyna baılanysty bizdiń azamattarymyz Qazaqstannyń zańnamasyna sáıkes kepildik berilgen medısınalyq kómek kólemin, tegin dárilik quraldar men medısınalyq maqsattaǵy buıymdar alý, profılaktıkalyq medısınalyq (skrınıngtik) tekserýlerden ótý quqyǵymen qamtamasyz etilmegen. Baıqońyr qalasynyń turǵyndary Qazaqstannyń barlyq óńirlerinde qoljetimdi joǵary mamandandyrylǵan medısınalyq kómekke qol jetkize almaýda, bul múgedektikke jáne ómir sapasyn tómendetýge alyp keletin keleńsiz jaǵdaılar qaýpin ulǵaıtyp otyr.
Zań jobasyn qabyldaý Hattamaǵa sáıkes Qazaqstan Respýblıkasynyń Baıqońyr qalasynda, Tóretam jáne Aqaı kentterinde turatyn azamattaryna Qazaqstannyń ulttyq zańnamasyna sáıkes elimizdiń densaýlyq saqtaý sýbektileriniń medısınalyq kómek kórsetýi máselesin retteýge múmkindik beredi.
Zań jobasyn qabyldaý teris quqyqtyq jáne áleýmettik-ekonomıkalyq saldarlarǵa alyp kelmeıdi, ony iske asyrý barysynda memlekettik bıýdjetten qosymsha qarjy shyǵyndary bolmaıdy.
Zań jobasy Palatanyń qaraýyna jiberildi.
