Qos oqıǵanyń oryn alýyna quqyq qorǵaý salasynyń ardageri, Qabıra Salyqovanyń uly Ǵınııat Salyqov muryndyq bolyp, mýzeıdiń ashylýyna 1,5 mln teńge qarajatyn berip, bıýst jasatyp, mýzeıge jádigerler tartý etti. Sonymen qatar mýzeıdiń jóndeý jumystaryna aýyldyń azamattary da atsalysqan bolatyn.
Qabıra Salyqqyzyna arnalǵan bıýstiń ashylý saltanatyna aýdan ákimi Abat Shynybekov, apamyzdyń uly Ǵınııat Salyqov jáne aýyl turǵyndary qatysty.
Sharada sóz alǵan aýdan basshysy bostandyqtyq aǵaıyndy Konstıtýsııa kúnimen quttyqtap, ıgi is bastaǵan Ǵınııat aǵamyzǵa eldiń atynan alǵys bildirdi.
Qoǵam qaıratkeriniń bıýstine gúl shoqtaryn qoıǵannan keıin, jınalǵan kópshilik mýzeıdiń ashylý saltanatyna qatysty. Aıta ketý kerek, bul mýzeıde bir zal túgelimen Qabıra Salyqqyzyna arnalǵan. Sol kisiniń otyrǵan ústelinen bastap, qoldanǵan zattary osy zalda qoıylǵan. Sondaı-aq zalda apamyzdyń ómiri ǵana emes, qazaq zııalylarynyń ómirinen mol maǵlumat beretin fotosýretter kórmesi bar. Mýzeıde Qabıra Salyqqyzynyń jeke kitaphanasynan alynǵan kitaptardy da kórýge bolady.
Sharýanyń basy-qasynda júrgen aýyldyq okrýg ákimi Manarbek Súndetov: – jańadan ashylǵan mýzeıge aýyl tarıhyn baıandaıtyn eksponattar jınaqtalý ústinde, qosymsha taǵy eki zal ashamyz, degen josparymen bólisti.
Qaırat JAQYP,
Batys Qazaqstan oblysy,
Qaztalov aýdany
