Osylaısha jańa oqý jylyn 270 oqýshymen bastaǵan oqý orny erekshe qýanyshqa bólendi. Bul mektep aýdandaǵy mektepter qatarynda bilim jaǵynan bolsa da, tárbıelik is-sharalar baǵytynan bolsa da aldyńǵy orynda.
О́tken oqý jylynan bastap mektepte «Ábish oqýlary» aýdandyq jastar baıqaýy jáne «Ábish álemi» atty jas aqyndar músháırasy uıymdastyrylyp keledi. Mekteptiń jabdyqtalýy zamana talabyna saı negizdelgen. Mektepte «Tuńǵysh Prezıdent» kabıneti, «Ábish Kekilbaev kitaphanasy» sııaqty ortalyqtar jumys jasaıdy.
Bul mekteptiń syrtqy jáne ishki kórinisi Ulybrıtanııa mektepteriniń qurylysy júıesine uqsatylyp jasalǵan. Mekteptegi bilim berý júıesi de sapaly deńgeıde. О́tken jyly úsh oqýshy, bıyǵy jyly bes oqýshy «Altyn belgi» ıegeri atandy. Jastardyń oqýǵa qushtarlyǵy da erekshe. Mektep kitaphanasynda «Ábish shyǵarmalary» buryshy jasaqtalǵan. Ábish Kekilbaevtyń úsh tilde jazylǵan kitaptary mektep tórinen oryn aldy.
«Bizdiń mekteptiń oqýshylarynyń bir artyqshylyǵy, kez kelgen oqýshydan Ábish atamyzdyń kez kelgen shyǵarmasyn oqyp ber dese, bári de toqtamastan aıtyp beredi. Sondaı-aq mekteptegi ár kabınette Ábish atanyń shyǵarmalary men eńbekteri týraly málimetter toptastyrylǵan. Keler jyly Ábish atamyzdyń 80 jyldyǵyna da kóptegen is-sharlar josparlap otyrmyz. Sonyń biri – Ábish atanyń eńseli eskertkishin qoıý. Bul eskertkish Ábishke ǵana emes ádebıetke qoıylǵan eskertkish bolady dep oılaımyn», deıdi mektep basshysy Myńbergen Qarataýov.
Allabergen QONARBAEV,
Mańǵystaý oblysy,
Mańǵystaý aýdany
