Aıgúl 2015-shi jyldan beri bımen aınalysyp keledi. Osy ýaqyt aralyǵynda ol túrli saıystarda birneshe júldeli oryndardy ıelengen, al osy jyldyń sáýirinde Astana qalasynda ótken Qazaqstan chempıonatynda kúmis jáne qola medaldardy jeńip alǵan. Arbadaǵy bıde basqa da bı túrlerindegideı qazylar alqasy bıshi tula boıyn qalaı ustaı alatynyna, yrǵaqqa beıimdiligi, bıdiń kúrdeliligi men ony oryndaý mánerine nazar salady.
- Arbadaǵy bı – aıtarlyqtaı qymbat qumarlyq, sebebi ol úshin arnaıy arbalar qajet: jeńildetilgen jáne ıkemdi, dóńgelekteri bir buryshqa ıilip onatylady da, arqasy tómen bolady. Ondaı arbalardy tapsyrys boıynsha ǵana jasaıdy. Mundaı jaqsy bir arbanyń quny shamamen bir jarym mıllıon teńgeni quraıdy. Biraq bizge Qazirgi zamanǵy jáne sport bıleri federasııasy úlken qoldaý kórsetedi, olar bizge arbany qoldanýǵa berip, al ótken jyly múgedektik sport mektebi osyndaı arbany syıǵa tartty. Sonymen qatar bizge Qaraǵandy oblysynyń sport basqarmasy men Aıgúl turatyn Saran qalasynyń múgedekter jáne psıhonevrologııalyq dertterge shaldyqqan naýqastarǵa arnalǵan ınternat kómektesedi, - deıdi jattyqtyrýshy Kúlshim Atalyqova.
Qazir Aıgúl Qazaqstan Chempıonatyna daıyndalyp jatyr. Ázirge onda barýǵa múmkindik bola ma, joq pa, belgisiz. Alaıda qaıtkende de jattyǵýlar jalǵastyrylady.
Arbadaǵy bı sport túri retinde Qazaqstanda 2009-shy jyly paıda bolǵan. Qaraǵandy oblysynda ol múmkindigi shekteýli jandar arasynda óte tanymal. Mundaı bıshilerdi Qazirgi zamanǵy jáne sporttyq bıler federasııasy, Qaraǵandy oblystyq múgedekter sport mektebi men Dene shynyqtyrý jáne sport basqarmasy qoldaıdy.
