Elbasy surypty prokat óndirý tehnologııasymen jáne metallýrgııa kombınatyn odan ári damytý josparymen tanysty.
Sonymen qatar, Memleket basshysyna JEO-1 jáne JEO-2 ortalyqtaryn qaıta jóndeý jospary, sondaı-aq óńirdiń ekologııalyq qaýipsizdigin qamtamasyz etýge qatysty sheshimder týraly baıandaldy.
Elbasy kásiporynnyń eńbekkerlerimen kezdesip, áńgimelesti.
– Qazir zaýyt aýmaǵynda boıymdy erekshe bir sezim baýrap aldy. Men munda alǵash ret 1958 jyly kirgen edim. Ol kezde bul jerde eshteńe bolǵan joq. Barlyǵy meniń kóz aldymda salyndy, – dep Qazaqstan Prezıdenti eske aldy.
Nursultan Nazarbaev kombınat metallýrgtary men eńbekkerleriniń jumysy aýyr ekenin atap ótip, Temirtaý qalasy men zaýytqa qatysty jaǵdaıdy únemi óz baqylaýynda ustaıtynyn aıtty.
Áńgime barysynda Elbasy kompanııa basshylyǵyna qala turǵyndarynyń turmysyn jaqsartý jolynda bıznestiń áleýmettik jaýapkershiligi zor ekenin eskertti. Atap aıtqanda, Memleket basshysy qalada medısınalyq, bilim berý jáne sport nysandarynyń sanyn kóbeıtý qajettigin atap ótti.
Zaýyttyń eńbek ujymy ókilderi Qazaqstan Prezıdentiniń bastamalaryna jáne elimizde júzege asyrylyp jatqan memlekettik baǵdarlamalarǵa qoldaý bildiretinderin jetkizdi.
