Depýtattar Qyzylordaǵa sapardyń alǵashqy kúni «Nurshuǵyla», «Syr Balajan», «Jetiqazyna», «Syr erkesi» jáne «Begim ana» mektepke deıingi bilim berý mekemeleriniń qyzmetimen tanysty.
Komıtet tóraǵasy B.Áıtimova otyrysty asha kelip, Memleket basshysynyń Joldaýyna sáıkes memlekettik-jekeshelik áriptestik negizinde turǵyn úı-kommýnaldyq ınfraqurylymdy jaqsartý máselelerin jedel sheshýdiń mańyzdylyǵyn atap ótti.
Senatordyń aıtýynsha, memlekettik-jekeshelik áriptestik tetikteri memleket pen bıznestiń arasyndaǵy yntymaqtastyqtyń jańa sıpaty bolyp tabylady jáne ol elimizdiń Úkimeti shektegen sýbektilerden basqa ekonomıkanyń barlyq salalarynda keńinen paıdalanyla bastady.
Densaýlyq saqtaý salasynda respýblıkalyq úsh memlekettik-jekeshelik áriptestik jobalary ázirlenýde. Bul týraly densaýlyq saqtaý mınıstriniń orynbasary O.Ábishev habarlady. 2016-2019 jyldarǵa arnalǵan «Densaýlyq» memlekettik densaýlyq saqtaýdy damytý baǵdarlamasy memlekettik- jekeshelik áriptestik negizinde densaýlyq saqtaý ınfraqurylymyn odan ári damytýdy kózdeıdi. Mınıstrlik densaýlyq saqtaý salasyndaǵy jeke bızneske kedergilerdi azaıtý jónindegi jumystardy jalǵastyryp keledi.
Bilim berý salasyndaǵy «Balapan» balalardy mektepke deıingi bilim berý jáne oqytýdy qamtamasyz etý baǵdarlamasy jeke ınvestısııany tartýdyń jarqyn mysaldarynyń biri bolyp otyr. Baǵdarlama júzege asa bastaǵannan beri memlekettik bilim berý tapsyrysyna oraı mektepke deıingi mekemelerge jeke ınvestorlardyń qatysýymen 200 myńnan astam balalarǵa arnalǵan 2 336 jeke balabaqsha men shaǵyn ortalyqtar ashyldy.
Parlament elimizdiń keıbir zańnamalyq aktilerine joǵary oqý oryndarynyń akademııalyq jáne basqarýshylyq derbestigin keńeıtý máseleleri boıynsha ózgerister men tolyqtyrýlar engizý týraly zańdy qabyldady, ol mektepterge jan basyna shaqqandaǵy qarjylandyrý boıynsha aýqymdy ákimshilik jáne ekonomıkalyq derbestik beredi.
Prezıdenttiń bes áleýmettik bastamasyn iske asyrý aıasynda 2019-2022 jyldarda stýdent jastar turatyn jataqhana jaǵdaıy jaqsartylyp, 75 myń oryn qosymsha beriletin bolady.
Qazirgi kezde ákimdikter osynaý ózekti máseleni alǵashqy jyldary 70 myń adamǵa nemese qajettilikti 84 paıyzǵa sheshýge múmkindik beretin jataqhana qurylysyn salýǵa 141 jer telimi bar ekenin naqtylady. Parlament qabyldaǵan zań jataqhana salý tetikterin engizýdi kózdeıdi.
Talqylaýdy qortyndylaı kelip, senator B.Áıtimova bilim berý jáne densaýlyq saqtaý salasyndaǵy memlekettik-jekeshelik áriptestik tetikterin retteıtin zań jobalary qaralǵan kezde usynystar paıdalanylatyn bolady, dep atap ótti.
Komıtet otyrysyna Qyzylorda oblysynyń ákimi Q.Kósherbaev, densaýlyq saqtaý, bilim jáne ǵylym, ulttyq ekonomıka mınıstrlikteriniń, «Qazaqstannyń memlekettik-jekeshelik áriptestik ortalyǵy» aksıonerlik qoǵamynyń, oblystyq basqarmalar men departamentterdiń ókilderi, qala ákimdikteriniń bólimderi men oblys aýdandary basshylary qatysty.
Depýtattar sol kúni oblystyq medısına ortalyǵynda, emhanada, dıagnostıka bóliminde, Qazaq gýmanıtarlyq zań jáne tehnıkalyq kolledjinde, «Tarlan» deneshynyqtyrý-saýyqtyrý ortalyǵyda bolyp, Qorqyt ata atyndaǵy Qyzylorda memlekettik ýnıversıtetiniń professorlyq-oqytýshylar quramymen jáne stýdentterimen kezdesti.
Senatorlar sondaı-aq Syrdarııa aýdanynda memlekettik-jekeshelik áriptestikti qoldana otyryp, tabysty qyzmet etip kele jatqan N.Ilıasov aýyldyq okrýginiń jumysymen tanysty.
Parlamenttiń tórtinshi sessııasynyń ashylýynda Memleket basshysy týrızm salasy kásipkerlikti damytýǵa zor serpin beretini týraly aıta kelip, 2023 jylǵa deıin týrızmdi damytý memlekettik baǵdarlamasyn ázirleýdi tapsyrǵan bolatyn. Depýtattar 8 qyrkúıekte týrızm ındýstrııasyn damytý aıasynda Qarmaqshy aýdanyndaǵy «Qorqyt ata» memorıaldyq keshenine barýdy josparlady.
Senatorlar 9 qyrkúıekte Qyzylorda qalasyndaǵy «Atameken» balalar aýylyna barady.
