Is-shara barysynda óńirlik quqyq qorǵaý yntymaqtastyǵynyń ózekti máseleleri talqylandy, birlesken jobalar sheńberinde iske asyrýdyń basym baǵyttary, sondaı-aq sheshilýi óńirlik ózara is-qımyldy talap etetin adam quqyqtary salasyndaǵy problemalyq máseleler men syn-qaterler belgilendi.
Qazirgi ýaqytta Ortalyq Azııa elderiniń UQQM-i áriptestiktiń, sonyń ishinde Ortalyq Azııadaǵy UQQM (CASI NHRI) jáne quqyq qorǵaýshylardyń aımaqtyq platformasyn qoldaý jónindegi birlesken bastamanyń sheńberinde oń tájirıbesin kórsetip otyr.
Atalǵan seriktestiktiń bastamashysy BUUDB men BUU AQJKB óńirlik ókildikteriniń qoldaýymen Qazaqstan Ombýdsmeniniń mekemesi bolyp tabylady. Seriktestik 2017 jyly Almatyda Orta Azııalyq ombýdsmenderdiń kezdesýi barysynda bastaldy, ol osy jyldyń aqpan aıynda Jenevada UQQM Ǵalamdyq Alıansynyń jyl saıynǵy otyrysynyń sheńberinde osyndaı kezdesýde bekitilip, onda birlesken jumystyń "jol kartasy" ázirlendi.
Joǵaryda atalǵan halyqaralyq uıymdardyń pikiri boıynsha, Qazaqstan búgingi kúni adam quqyqtaryn qorǵaý salasyndaǵy óńirlik áriptestiktiń kóshbasshysy bolyp tanylyp otyr. Osy turǵyda Qazaqstannyń kóshi-qon jáne genderlik saıasatyndaǵy, balalardyń quqyqtaryn qorǵaýdaǵy oń tájirıbesi ony Ortalyq Azııa elderinde qoldaný maqsatynda qarastyrýǵa usynylýy múmkin.
