Alǵashqy jyldary saıtta tek kitap satylǵanymen, ýaqyt óte kele kompanııa basshysy Djeff Bezos mýzykalyq dıskiler, túrli beıneónimder satýdy qolǵa aldy. Keıinirek MP3 jazbalar, túrli baǵdarlamalar, kompıýterlik oıyndar, elektrondy qural, kıim-keshek, jıhaz, azyq-túlik deısiz be, barlyǵyn talǵamaı sata beretin boldy. О́tken jyldyń sońǵy toqsanynda 2 mıllıard dollar tabys tapqan Amazon tabys kólemi boıynsha álem boıynsha rekord ornatty.
Aksııalarynyń quny sharyqtap ósken kompanııanyń qojaıyny Djeff Bezos ta bir-aq kúnde álemdegi eń baı adamǵa aınalyp shyǵa keldi. Búginde Dj. Bezostyń baılyǵy 132 mıllıard dollar dep baǵalanyp otyr.
Jalpy, kapıtal quny trıllıon dollarǵa jetken álemdegi alǵashqy kompanııa qytaılyq PetroChina ekenin aıta keteıik. Qytaılyq munaı-gaz kompanııasy bul mejeni 2007 jyly baǵyndyrǵan-dy. Shıkizattyq emes salada «trıllıoner» atanǵan ekinshi kompanııa – amerıkalyq Apple. Osylaısha, AQSh-tyń eki birdeı kompanııasy «trıllıoner» atanyp otyr.
Arnur ASQAR,
«Egemen Qazaqstan»
