R. Vasılenko «Álemdegi jańa kóppolıarly medıasııa - úmit pen shyndyq arasynda» paneldik sessııasyndaǵy sózinde forýmǵa qatysýshylardy kópjaqty dıplomatııany damytýǵa jáne yntymaqtastyqqa, sondaı-aq janjaldardy beıbit jáne aldyn ala retteýge baǵyttalǵan Qazaqstannyń syrtqy saıasatynyń basymdyqtary týraly habardar etti.
Osyǵan baılanysty Qazaqstan táýelsizdik alǵan sátten bastap halyqaralyq qaýipsizdikti nyǵaıtýǵa, sonymen qatar shıelenisti jaǵdaılardy saıası jáne dıplomatııalyq tásilder arqyly beıbit jolmen sheshýge eleýli úles qosyp otyrǵanyn atap ótti.
Qazaqstan dıplomaty Astananyń shıelenis aımaqtaryndaǵy máselelerdi halyqaralyq quqyqtyń normalaryna sáıkes yqpaldy halyqaralyq tetikterdi qabyldaý arqyly beıbit joldarmen sheshýdi qoldaıtynyn basa aıtty. Qazaqstandy álemde óńirlik medıator retindegi rólin joǵary deńgeıde moıyndaýy bizdiń elimizdiń Eýropadaǵy qaýipsizdik jáne yntymaqtastyq uıymyna (EQYU) jáne Islam yntymaqtastyǵy uıymyna (IYU) tóraǵalyq etýi, sondaı-aq Prezıdent Nursultan Nazarbaevtyń Azııadaǵy ózara yqpaldastyq jáne senim sharalary jónindegi keńesti (AО́SShK) shaqyrý týraly bastamasyn álemdik qoǵamdastyqtyń qoldaýy boldy.
«Prezıdentimizdiń bitimgershilik negizinde onyń jeke kózqarasy men ustanymdary arqaý bolady. Onyń kúsh-jigeriniń arqasynda ártúrli elder arasyndaǵy qarym-qatynastardaǵy shıelenister azaıýda», - dedi R.Vasılenko.
Prezıdent N. Nazarbaevtyń jeke medıasııalyq jigeriniń arqasynda 2016 jyly Reseı men Túrkııa kóshbasshylary arasyndaǵy qarym-qatynas qalpyna keltirildi jáne 2017 jyldyń basynan bastap Sırııa boıynsha Astana prosesi iske qosyldy.
Osy rette, Astana kelissózderi jıynǵa qatysýshylardyń úlken qyzyǵýshylyǵyn týdyrdy. Qazaqstan dıplomaty qazirgi kezge deıin uıymdastyrylǵan kelissózderdiń on raýndynyń basty jetistigi – jaýyngerlik áreketterdi toqtatý tártibin úsh jaqty baqylaý tetigin ornatý, Sırııadaǵy shıelenisti álsireti aımaqtaryn qurý, sondaı-aq ustalǵandarmen almasý, qaza tapqandardy tapsyrý jáne habarsyz ketken adamdardy izdeý boıynsha jumys toptarynyń qurý ekendigin atap ótti.
Ortalyq Azııadaǵy halyqaralyq qatynastar týraly jalpy aıta kele, dıplomat Qazaqstan óńirdegi barlyq aktorlar arasyndaǵy syndarly qarym-qatynasty damytýdy jaqtaıtynyn, ótken «úlken oıynǵa» qaraǵanda «barlyǵy úshin úlken utys» paradıgmasynyń naqtylyǵy men artyqshylyǵyna senimdi bolyp otyrǵanyn atap ótti.
Otyrys oǵan qatysqan barlyq memleketterdiń óńiraralyq ózara is-qımylǵa jáne usynylǵan formattaǵy belsendi dıalogty jalǵastyrýǵa, Qazaqstanmen yntymaqtastyqty arttyrýǵa úlken qyzyǵýshylyǵyn tanytty. Iran ıadrolyq baǵdarlamasy boıynsha kóp jyldyq kelissózderge tikeleı qatysqan Eýropa syrtqy is-áreketter qyzmetiniń (ESVD) Bas hatshysy Helga Shmıd paneldegi óz sózinde «alty qosý bir» formatynda halyqaralyq toptyń kelissózderdi júrgizýdegi, sondaı-aq Birlesken keshendi is-qımyl josparyn (BKQJ) ımplementasııalaýdaǵy QR syndarly rólin atap ótti. Bul rette, turaqty áleýmettik-ekonomıkalyq damýdy qamtamasyz etýdi qosa alǵanda, óńirlik kún tártibindegi ózekti máselelerdi sheshýde Eýropa Odaǵynyń Qazaqstanmen jáne óńirmen odan ári syndarly yntymaqtastyǵynyń áleýeti týraly atap ótildi.
Forým aıasynda R. Vasılenko men H. Shmıd arasynda jáne birqatar Eýropa jáne Azııa elderindegi áriptesterimen ekijaqty kezdesýleri ótti. Eýropa syrtqy baılanystar qyzmeti basshysymen QR men EO arasyndaǵy Keńeıtilgen áriptestik pen yntymaqtastyq týraly kelisim sheńberinde jan-jaqty yntymaqtastyqty odan ári nyǵaıtý máseleleri, onyń ishinde Qazaqstan men EO arasyndaǵy vızalyq rejımdi jeńildetý perspektıvalary, sondaı-aq Ortalyq Azııa elderimen qarym-qatynas boıynsha EO jańa strategııasyn ázirleý barysy talqylandy.
