Tórtkúl dúnıeniń teńdessizderin basyn qosqan Aq Olımpıada byltyr Ońtústik Koreıanyń Phenchhan qalasynda dúrkirep turyp ótken bolatyn. 2022 jyly aıtýly jarys Qytaıdyń bas shahary – Beıjińde uıymdastyrylady. Al 2026 jyly alaýy tutanýǵa tıis baıraqty básekeni qaı qalanyń qabyldaıtyny kelesi jyldyń qyrkúıek aıynda Italııadaǵy eń kórikti shaharlardyń biri – Mılanda ótetin Halyqaralyq Olımpıada komıtetiniń (HOQ) kongressi barysynda belgili bolady.
Ázirge bes úmitker bar. Olar – Kanadanyń Kalgarı, Túrkııanyń Erzýrým, Japonııanyń Sapporo, Shvesııanyń Stokgolm jáne Italııanyń Mılan, Týrın jáne Kortına-d'Ampesso qalalary. Olardyń birazýynda buǵan deıinde talaı dúbirli doda ótken. Atap aıtsaq, Kalgarı 1988 jylǵy qysqy Olımpııa oıyndaryn qabyldady. Kezinde Kortına-d'Ampesso (1956) men Týrınde (2006) de Aq Olımpıadanyń alaýy tutanǵan. Stokgolmde 1912 jylǵy jazǵy doda uıymdastyrylǵan bolatyn.
Ǵalym SÚLEIMEN,
«Egemen Qazaqstan»
