Jurtshylyqqa aldymen aıtysker aqyn, keıin otty jyrlarymen tanylǵan Nazgúl qysqa ǵana ǵumyrynda jasyndaı jarqyldap ótti. Minezi órshil, armany asqaq, edi. Sum ajal aramyzdan beımezgil alyp ketkenine shırek ǵasyrdan astam ýaqyt ótse de, keshegideı kóz aldymyzda júrgen sııaqty, deı kelip, Qazaqstan Jazýshylar odaǵy jergilikti bólimshesiniń tóraǵasy, «Qyzyljar-Aqparat» JShS-niń dırektory Jarasbaı Súleımenov ádebı keshke jınalǵandarǵa tyrnaqaldy mádenı sharanynyń jyl saıyn ótkiziletin dástúrge aınalatynyn, Maǵjan Jumabaev, Smaǵul Sádýaqasov, Safýan Shaımerdenov, taǵy basqa ult tulǵalaryna qatysty jobalardyń júzege asyrylyp jatqanyn jetkizdi. Qazaqstan Jazýshylar odaǵynyń múshesi, arqaly aqyn Zeınolla Ákimjanov, alashqy ustazdarynyń biri Bekturǵan Ramazanov, sińlisi Aıman Telmanqyzy, dárishana jetekshisi Lına Ysqaqova marqumnyń eshkimge uqsamaıtyn bolmys-bitimi, ultjandy qasıetteri jaıly esteliktermen bólisti.
Arnaıy komıssııa jyr báıgesine úkilep qosylǵan qyryqqa jýyq úmitkerdiń ishinen eń tańdaýlylaryn iriktedi. Birinshi orynǵa Á.Dosmuhambetov atyndaǵy oblystyq daryndy balalarǵa mamandandyrylǵan gımnazııa-ınternattyń oqýshysy Dılfýza Abdýkaıýmova laıyq dep tabyldy. Ekinshi oryndy pavlodarlyq Altynbek Maqsathan, úshinshi oryndy mamlıýttik Gúljamal Súleımenova ıelendi. Jeńimpazdar men júldegerlerge, óner ólkesine qadam basqan basqa da talapkerlerge de aqshalaı,zattaı syılyqtar tabys etildi. Jyr músháırasyn uıymdastyrýǵa belsene qatysqan ustazdar Bilim jáne ǵylym mınıstrliginiń alǵys hatymen maparapttaldy.
О́mir ESQALI,
«Egemen Qazaqstan»
Sýretti túsirgen Talǵat TÁNIBAEV.
Soltústik Qazaqstan oblysy.
