BÁSEKENIŃ BEL ORTASY

Búgin Shveı­sarııa men Belarýs, Chehııa men Latvııa, Slovakııa men Norvegııa jáne Kanada men Germanııa kezdesedi. Jeńimpazdardyń jol­dary shırek fınalda toǵysady. 26 men 27 aqpanda jartylaı fınaldyq matchtar ótse, júlde­gerler men jeńimpaz komanda 28 aqpanda anyqtalady. Vankýverde jalaýy jelbire­gen HHI qysqy Olımpııa oıyn­darynyń baǵdarlamasy boıynsha keshe tórt medaldar jıyntyǵy sarapqa salyndy. Sonyń ekeýin­de Qazaqstannyń sportshylary kúsh synasty. Shańǵydan koman­dalyq sprıntte el namysyn Nıkolaı Chebotko men Alekseı Poltoranın qorǵady. Jartylaı fınaldan irkil­meı ótken otan­dastarymyz aqtyq aıqasta jan­kesh­tilik tanytty. Báseke bel ortaǵa jetkende olar alǵashqy úshtikke endi. Sol sátte barsha­myzdyń keýde túkpirimizde “bál­kim qorjy­ny­myz­ǵa taǵy bir medal túser” degen úmit oty jylt etti. Alaıda sheshýshi sátte qarsylastar qarqynyn kúsheı­tip, úsh komanda bizden ozyp ketti. Bul básekede Norvegııa bas júlde alsa, Germanııa men Reseı kúmis pen qolaǵa qol jetkizdi. Kanada men Qazaqstannyń shań­ǵyshylary kómbege birdeı jetti. Qaısy ozyp, qaısy qalyp qoıǵanyn fotofınısh anyqtady. Bul rette jarys qojaıyndary­nyń joly boldy. Osylaısha Nıkolaı Chebotko men Alekseı Poltoranın besinshi oryndy ıelendi. Áıelder ara­syn­daǵy sprınttik saıysta Oksana Iаskaıa men Elena Kolo­mı­na óner kórsetti. Alaıda olar ba­bynda bolmaı shyqty. Nátıjesinde jelesterimiz jartylaı fınaldan asa almady. Bul tartysta Germa­nııa, Shvesııa jáne Reseı qurama­lary jeńis toıyn toılady. Sporttyq bıdiń juptyq báseke­sinde áý basta kósh bastaǵan reseı­lik Domnına men Shabalın qory­tyndy esepte úshinshi satyǵa syr­ǵyp tústi. Kanadalyq Vırtıý men Moır jáne amerı­kalyq Devıs pen Ýaıt olar­dyń aldyn orap ketti. Shań­ǵy­men tu­ǵyr­­dan se­­kirýdiń komanda­lyq saı­y­­syn­da Av­s­trııa al­dyna jan sal­ǵan joq. Germanııa men Norvegııa ekinshi jáne úshinshi tu­ǵyrda. Shaıbaly hokkeıden toptyq básekeler óz máre­sine jetti. “A” to­bynda AQSh aldyna jan sal­ma­dy. Amerıkalyqtar Ka­na­da, Shveı­sarııa jáne Norvegııadan ozdy. “V” tobynda alǵashqy matchta Reseıdiń baǵy jandy. Olar Slo­vakııadan utylǵanymen, Latvııa jáne Chehııa quramalarynan basym tústi. “S” tobynda Shve­sııa quramasynyń aıdarynan jel esti. Olar Fınlıan­dııa, Be­la­rýs jáne Germanııa­ny tize búk­tirdi. Ereje boıynsha ár topta dara shyqqandar jáne ekinshi oryn alǵandar arasynda eń kóp upaıǵa ıelik etken komanda shırek fınalǵa birden joldama aldy. Olar – AQSh, Shvesııa, Reseı jáne Fınlıandııa. Al qalǵandary ózara básekege túsip, tórt jol­dama úshin talasady. Búgin Shveı­sarııa men Belarýs, Chehııa men Latvııa, Slovakııa men Norvegııa jáne Kanada men Germanııa kezdesedi. Jeńimpazdardyń jol­dary shırek fınalda toǵysady. 26 men 27 aqpanda jartylaı fınaldyq matchtar ótse, júlde­gerler men jeńimpaz komanda 28 aqpanda anyqtalady. Komandalyq saıysta Germa­nııa AQSh-ty qýyp jetti. Qos ko­manda jeti altynnan oljala­ǵany­men, alǵashqylardyń kúmisi kóbirek. Sonyń nátıjesinde nemister alǵa shyqty. Kósh ba­syn­daǵy quramalardan bir altyn kem alǵan Norvegııa úshinshi satyǵa taban tiredi. Kanada men Shveısarııanyń ánurany Van­kýver kóginde bes retten shyr­qal­dy. Bir kúmis medaldy ıelengen Qazaqstan quramasy 24-orynda keledi. Ǵalym SÚLEIMEN, arnaıy “Egemen Qazaqstan” úshin – Vankýverden.