Yntymaqtastyq nyǵaıa túsedi

Saltanatty rásimge Qazaqstan Respýblıkasynyń Tuńǵysh Pre­zıdenti – Elbasy Qorynyń dı­rek­tory, Senat depýtaty Darıǵa Nazarbaeva men Goı beı­bit­shi­lik qorynyń prezıdenti Hıroo Saıondjı qatysty. 

Is-shara barysynda sóz sóı­legen D.Nazarbaeva qol qo­ıyl­ǵan memorandým ortaq maq­sat­ty júzege asyrýǵa mol úles qosa­tynyna senim bildirip, eki qor­dyń arasyndaǵy qarym-qatynas damı túsetinin atap ótti. 

«Elbasy bizdiń elderimizdiń arasyndaǵy mádenı-gýmanı­tar­lyq qatynastarǵa erekshe nazar aýdarady. Qordyń qyzmetiniń negizgi maqsaty – daryndy jas­tar­­ǵa qoldaý kórsetý, bilim berý, áleý­­mettik saıasat jáne jańa teh­­­nologııalar salasyndaǵy ja­ńa­shyl ıdeıalardy iske asyrý, tıim­­di qaıyrymdylyq kómek kór­­­setý jáne básekege qabiletti sa­rap­­­tamalyq-taldaý ortalyǵyn da­my­tý. Búgin biz memorandýmǵa qol qoıa otyryp, qorlar arasynda senimdi jáne myqty qarym-qaty­nas­tyń berik irgetasyn qalap otyr­ǵanymyzǵa qýanyshtymyz», dedi D.Nazarbaeva. 

Sonymen qatar ol Elbasy qory Goı qorymen birlesip, jas talanttardy qoldaý úshin ǵy­lym, mádenıet salalaryn­da­ǵy jo­ba­lardy júzege asyrýǵa, sarapshylardyń dóńgelek ústel­derin ótkizýge daıyn ekendigin basa aıtty.

О́z kezeginde Hırro Saıondjı áleýmettik mańyzy bar bastamalardy júzege asyrý barysynda ózara tájirıbe almasýy qajet­tigine toqtaldy. Sonymen qatar bir­lesken sharalardy uıym­das­­tyrýǵa jáne ótkizýge daıyn eken­digin jetkizdi. 

Memorandým Qazaqstan men Japonııa halyqtary arasynda­ǵy dástúrli dostyqty odan ári ny­ǵaı­týǵa, jastar bastama­laryn il­geriletýge, jan-jaqty stra­tegııa­lyq áriptestikti nyǵaıtýǵa baǵyttalǵan. 

Memorandýmǵa qol qoıý rási­mi aıaqtalǵannan keıin Qazaq­stan Respýblıkasynyń Tuńǵysh Prezıdenti – Elbasy Qorynyń atqarýshy dırektory Qanat Jumabaev Goı beıbitshilik qo­ry­na Qazaqstannyń nyshany, Uly Dala eliniń mádenı murasy sanalatyn «Altyn adamnyń» kóshirmesin syıǵa tartty. 

Goı beıbitshilik qorynyń prezıdenti Hıroo Saıondjı Nazar­baev ortalyǵynda Elbasy­nyń ıadrolyq qarýǵa qarsy bas­ta­malar zalymen tanysty. So­ny­men qatar Ulttyq mýzeı jáne «Beıbitshilik qabyrǵasy» mo­ný­mentine jáne basqa mádenı ny­sandarǵa bardy. 

Iаdrolyq qarýǵa qarsy qozǵa­lystaǵy Qazaqstannyń negizgi sheteldik áriptesteriniń biri sanalatyn japonııalyq qonaqtyń elimizge kelýi kezdeısoq emes. Japonııa da ıadrolyq qarýdyń zardabyn kóp tartqan memleket. Sondyqtan «Kúnshyǵys eli» ha­lyqaralyq qoǵamdastyqty ıadro­lyq qarýdy taratpaýǵa jáne jappaı qyryp-joıý qarýlaryna qarsy baǵdarlamalardy qoldaýǵa árdaıym shaqyrady.

Abaı ASANKELDIULY,
«Egemen Qazaqstan»