Halyqaralyq bıznes ýnıversıtetiniń pikirsaıys klýbynyń uıymdastyrýymen ótken sharaǵa Astana, Qyzylorda, Shymkent jáne Almaty qalalaryndaǵy 30-dan astam joǵary oqý oryndarynan kelgen 100-ge jýyq stýdent qatysty.
Maqsat – jastar arasyndaǵy kóshbasshylyq básekelestikti damytý, sheshendik qasıetti arttyrý, qazirgi kezde jastar men qoǵam úshin asa ózekti máselelerdi talqylaı otyryp, saıası saýattylyqtyń deńgeıin kóterý.
Debat barysynda Qyzdar Ýnıversıtetiniń stýdentteri bekitilgen taqyryp tóńireginde óz paıymdary men pikirlerin naqty dáıektermen keltirip, naqty usynystarymen bólisti.
Búgingi problemalarǵa taldaý jasaý jáne ony buqaralyq talqylaý arqyly stýdentterdiń áleýmettik jáne shyǵarmashylyq belsendilikterin arttyrý, elimizdegi jastardyń pikirsaıys qozǵalysyn damytýdy kózdegen týrnırde Qyzdar Ýnıversıtetiniń bilimgerleri ózderiniń ozyq oıly ekendikterin tolyqtaı dáleldep, áleýetiniń joǵary ekendigin pash etti, – deıdi shara uıymdastyrýshylary.
Olardyń aıtýynsha, bıyl týrnır osymen besinshi ret ótkizilip otyr. Jeńimpazdarǵa kýbok tabystalyp, qaıyrymdylyq sharasynan túsken qarjy muqtaj adamdarǵa tabystalady.
Pikirsaıysqa qatysýshylar qoǵamdaǵy ózekti máselelerdi talqylap, onyӊ sheshý joldaryn usyndy. Sonymen qatar, týrnır aıasynda tátti taǵamdardyӊ jármeӊkesi uıymdastyrylyp, túsken qarajat kómekke muqtaj azamatqa týrnırdiӊ ekinshi kúni usynyldy.
Aıta keteıik, týrnır jeńimpazdary Janar О́tegen men Nuraı Ámirqul Qyzdar Ýnıversıtetinde «Qazaq tili men ádebıeti» mamandyǵy boıynsha bilim alady. Arýlar oqý ornyndaǵy «Parasatty Naǵyz Lıderler Odaǵy» ıntellektýaldy pikirsaıys klýbynyń qazaq lıgasynyń belsendi músheleri.
