Beıbit kúnniń batyry

Tótenshe jaǵdaılar qyz­me­tiniń habarlaýynsha, oqıǵa qyr­kúıektiń 24-i kúni bolǵan. Sol kúni tańerteń Astana qalasynyń №2 arnaıy mamandandyrylǵan órt sóndirý bólimine qaladaǵy kóp­qabatty úılerdiń biriniń 10-shy qabatynan kishkentaı balanyń qulaǵaly turǵany týraly habar túsken. О́rt sóndirýshiler kelip jet­kenshe, qulap bara jatqan bala­ny tómengi qabatta turatyn A.Ka­rev atty turǵyn qutqaryp qala­dy. 
«Bireý syrtqa qaraı jetele­gendeı kórindi. Artynsha jurt­tyń aıǵaıyn estidim. Balkonǵa atyp shyǵyp, tómenge qarasam, qap­taǵan adam joǵaryǵa qarap, aı­ǵaılap tur eken. Sol kezde ús­tińgi úıdiń balkonynan salbyrap turǵan balany kórdim. Ol anasyn shaqyryp, «qutqaryńdar» dep aı­ǵaılap tur eken», deıdi ol. Ál-dár­meni taýsylǵan bala osy kezde qolyn bosatyp jiberedi. Sátin salǵanda, ońtaılanyp úlgergen A.Karev ony qaǵyp alady. 
Úlken erlik jasaǵan azamatqa B.Sultanov syı-sııapat tapsyryp turyp, elordalyqtardyń, bar­sha el turǵyndarynyń atynan alǵys bildirdi. «Sizdiń keshegi erli­gińizge jurtshylyq sheksiz rıza. Siz óz ómirińizdi qaterge ti­gip, balany qutqaryp qaldy­­ńyz. Bul kimge de bolsyn úlgi etýge tu­rarlyq áreket» dedi elorda ákimi.
Tıisti organdardyń bul oqı­ǵany nazardan tys qaldyrma­ǵanyna jáne barsha jurtshy­lyqtyń qoldaýyna rızashylyǵyn bildirgen A.Karev aqshaǵa zárý emestigin aıtyp, jalpy, mundaı qoldaý eń durysy esik-terezesin qosymsha qurylǵylarmen bekitýge jaǵdaıy joqtarǵa jasalsa degen tilegin bildirdi. 

Svetlana ǴALYMJANQYZY