Esep komıtetiniń osyndaı joǵary laýazymǵa saılanýy vedomstvo qyzmetiniń odan ári jandanýyna jáne Qazaqstan Respýblıkasynyń halyqaralyq aýdıtorlyq qoǵamdastyqtaǵy ımıdjin nyǵaıtýǵa yqpal etetin bolady.
Daýys berý nátıjesinde Túrkııanyń Esep soty da Aýdıtorlyq komıtettiń múshesi bolyp saılandy. Eki eldiń joǵary aýdıt organdary (JAO) 2018-2021 jyldar ishinde ASOSAI qarjylyq eseptiligine aýdıt júrgizýi tıis.
Aýdıtorlyq komıtettiń múshelerin jáne Basqarýshy keńesti saılaý Vetnamnyń Hanoı qalasynda 14-shi ASOSAI Assambleıasy sheńberinde ótkizildi. Oǵan ASOSAI-ǵa múshe elderdiń joǵary aýdıt organdarynyń (ASOSAI) 200-den astam ókilderi, sondaı-aq halyqaralyq uıymdar qatysty.
Qazaqstandyq delegasııany Esep komıtetiniń múshesi Talǵat Jaqan basqardy.
Assambleıa barysynda uıym qyzmetiniń úsh jyldaǵy qorytyndysy shyǵaryldy. ASOSAI-dyń 2015-2017 jyldardaǵy qarjylyq eseptiligi qaraldy, 2019-2021 jyldarǵa arnalǵan bıýdjeti bekitildi, Strategııalyq jumys josparyn iske asyrýdyń nátıjeleri talqylandy.
Malaızııanyń bas aýdıtorynan Uıym tóraǵasynyń ókilettikterin 2018-2021 jyldarǵa Vetnamnyń bas aýdıtoryna tapsyrý saltanaty ótti. Qytaıdyń Ulttyq aýdıt ofısi osy kezeńge ASOSAI Bas hatshysy bolyp belgilendi. ASOSAI quramyna jańa múshe - Palestınanyń JAO qabyldandy. Kelesi Assambleıany Taılandta ótkiziletin boldy.
7-shi ASOSAI sımpozıýmy barysynda klımattyń ózgerýi, qorshaǵan ortanyń lastanýy jáne adamzat ómirine qaýip tóndiretin basqa da jahandyq problemalar aıasynda turaqty damý maqsatynda qorshaǵan orta aýdıtin júrgizýdiń ózekti máseleleri talqylandy.
Jumystyń qorytyndysy boıynsha Hanoı deklarasııasy qabyldandy, oǵan sáıkes qatysýshylar bilim jáne tájirıbe almasý, ekologııalyq aýdıt standarttaryn taratý, qarqyndy oqytý kýrstaryn uıymdastyrý, osy saladaǵy máselelerdi sheshý úshin birlesken tekserýler júrgizý arqyly ASOSAI qyzmetin jandandyrý týraly ýaǵdalasty.
Is-shara sheńberinde Esep komıtetiniń múshesi Talǵat Jaqan Vetnam, Iran, Kýveıt, Birikken Arab Ámirlikteri, Taıland, Túrkııa, Ońtústik Koreıa jáne Japonııa JAO-larynyń basshylarymen jáne ókilderimen kezdesti.
Taraptar ózara múddeli máseleler boıynsha yntymaqtastyqty jandandyrý jáne nyǵaıtý joldaryn talqylady. Vetnam men Taıland JAO-larymen yntymaqtastyq týraly ekijaqty memorandýmdarǵa qol qoıý týraly kelisimge qol jetkizildi. Talǵat Jaqan áriptesterine alǵysyn bildirip, Aýdıtorlyq komıtettiń múshesi retinde Qazaqstannyń Esep komıteti ASOSAI sheńberinde halyqaralyq yntymaqtastyqty odan ári damytý úshin áleýetin jáne jınaqtalǵan tájirıbesin paıdalaný úshin bar kúsh-jigerin jumsaıtynyna sendirdi.
